رائے بریلی:ٹرک کی زد میں آنے سے ایک کی موت، دو زخمی

رائے بریلی:اپریل۔اترپردیش کے ضلع رائے بریلی کے اونچاہار علاقے میں جمعرات کی صبح ایک تیز رفتار بے قابو ٹرک کی زد میں آکر موٹر سائیکل سوار لڑکی کی موت ہوگئی جبکہ موٹر سائیکل چلا رہا اس کا چھوٹا بھائی شدید طور سے زخمی ہوگیا۔پولیس ذرائع سے موصول اطلاع کے مطابق صبح تقریبا ساڑھے نوبجے اونچاہار علاقے کے تیواری پور میں ٹرک کی زد میں آکر موٹر سائیکل سوار شادی شدہ لڑکی نیلم دیوی(26)کی موقع پر ہی موت ہوگئی جبکہ اس کا بھائی شدید طور سے زخمی ہوگیا اور ساتھ بیٹھی متوفیہ کی چھوٹی بہن بھی زخمی ہوگئی۔اطلاع کے مطابق اونچاہار علاقے کے تیواری پورمیں ایک تیز رفتار ٹرک جارہا تھا اور سامنے سے موٹر سائیکل آرہی تھی لیکن تیز رفتار ٹرک کی زد میں آنے سے شادی شدہ خاتون کی موقع پرہی موت ہوگئی جبکہ موٹر سائیکل چلا رہا نیلم کا چھوٹا بھائی ویریندر(22)شدید طور سے زخمی ہوگیا۔ موٹر سائیکل پر ساتھ میں بیٹھی متوفیہ کی بہن کو بھی چوٹیں آئی ہیں۔ ویریندر کو پہلے سی ایچ سی لے جایا گیا جہاں ڈاکٹروں نے اسے اسپتال کے لئے ریفر کردیا۔پولیس نے لاش قبضے میں لے کر پوسٹ مارٹم کے لئے بھیج دیا ہے۔ اہل خانہ کی تحریر پر مقدمہ درج کرلیاگیا ہے۔حادثے کے بعد پولیس نے ٹرک کو قبضے میں لے لیا لیکن ڈرائیور موقع سے فرار ہوگیا۔