یوپی:نظم ونسق صرف کہنے۔ سننے کی بات:اکھلیش

لکھنؤ:جون۔ سماج وادی پارٹی(ایس پی) صدر اکھلیش یادو نے منگل کو کہا کہ لاقانونیت اور بدانتظامی کی وجہ سے اترپردیش میں نظم ونسق صرف کہنے۔ سننے کی بات رہی گئی ہے۔یادو نے یہاں جاری بیان میں کہا کہ بی جے پی حکومت دوسری بار اقتدار میں آنے کے بعد کچھ اور ہی کاموں میں مشغول دکھائی دیتی ہے جو کام حکومت کے نہیں ہیں۔ اپنے آئینی فرائض کی ادائیگی میں مکمل طور سے ناکام حکومت ریاست پر بوجھ کی مانند ہے۔بی جے پی حکومت میں اب وہی محفوظ ہیں جس پر اقتدار تحفظ مجرمین کی نگاہیں نہیں پڑی ہیں۔ اب کسی کو بھی یہ امید نہیں کرنی چاہئے کہ اسے انتظامیہ سے سیکورٹی مل سکتی ہے۔ انہوں نے بتایا کہ بی جے پی اقتدار میں پولیس جب اپنی ہی پستول اور کارتوس کا تحفظ نہیں کرسکتی ہے تو وہ عوام کو کیا تحفظ فراہم کرے گی۔ مین پوری کے کرہل میں داروغہ جی سوتے رہ گئے اور ان کی تکئے کے نیچے سے چور سرکاری پستول، 10کارتوس اور پرس چرا لے گئے۔ایس پی صدر نے کہا کہ مجرمین کی ہمت یہاں تک بڑھ گئی ہے کہ اب وہ پولیس والوں کو اپنی گاڑیوں سے کچل دے رہے ہیں۔ حالات یہاں تک بگڑ گئے ہیں کہ کانپور میں سپاہی کی گردن ریت کا قتل کردیا جاتا ہے۔