سلیکون ویلی بینک بحران کی وجہ سے اسٹاک مارکیٹ میں کھلبلی مچ گئی

ممبئی، مارچ ۔ امریکہ کے سلیکون ویلی بینک (ایس وی بی) کی ناکامی کی وجہ سے عالمی مارکیٹ میں کمزور رجحان کے دباؤ میں مقامی سطح پر ہمہ جہت فروخت نے کھلبلی مچا دی جس کی وجہ سے گھریلو اسٹاک مارکیٹ میں آج 1.5 فیصد کی گراوٹ ہوئی۔بی ایس ای کا 30 حصص کا حساس انڈیکس سینسیکس 897.28 پوائنٹس یا 1.52 فیصد غوطہ لگاکر 59 ہزار پوائنٹس کی نفسیاتی سطح سے نیچے گر کر 58237.85 کی پانچ ماہ کی کم ترین سطح پر آگیا۔ اس سے پہلے یہ 14 اکتوبر 2022 کو 57919.97 پوائنٹس پر تھا۔ اسی طرح نیشنل اسٹاک ایکسچینج (این ایس ای) کا نفٹی 225.80 پوائنٹس یعنی 1.3 فیصد کی بڑی کمی کے ساتھ 17187.10 پوائنٹس پر تھا۔اس دوران بی ایس ای کی درمیانی اور چھوٹی کمپنیوں میں زبردست فروخت ہوئی۔ اس کی وجہ سے مڈ کیپ 1.82 پوائنٹس گر کر 24,169.74 پوائنٹس اور اسمال کیپ 2.08 فیصد گر کر 27,371.95 پوائنٹس پر آگیا۔ بی ایس ای پر کل 3757 کمپنیوں کا کاروبار ہوا، جن میں سے 2838 فروخت، 766 خریداری اور 153 میں کوئی تبدیلی نہیں ہوئی۔ اسی طرح این ایس ای میں 45 کمپنیوں میں کمی ہوئی جبکہ چار میں اضافہ جبکہ ایک میں استحکام رہا۔مارکیٹ کے تجزیہ کاروں کے مطابق سلیکون ویلی بینک اس سال 10 مارچ کو ناکام ہوا۔ اسے 2008 کے مالیاتی بحران کے بعد بینکنگ کی سب سے بڑی ناکامی اور امریکی تاریخ میں دوسری سب سے بڑی ناکامی سمجھا جاتا ہے۔ ایس وی بی بحران کا سب سے زیادہ اثر اسٹارٹ اپس پر پڑا ہے۔ بہت سے اسٹارٹ اپ بینک سے اپنی جمع رقم بھی نہیں نکال پائے۔ایس وی بی اثر کی وجہ سےسرمایہ کاروں کا مارکیٹ کی طرف سرمایہ کاری کا جذبہ گر گیا۔ اس کی وجہ سے بی ایس ای کے تمام 20 گروپس میں زبردست گراوٹ درج کی گئی۔ اس عرصے کے دوران بینکنگ گروپ کے حصص کو سب سے زیادہ 2.24 فیصد کا نقصان ہوا۔ اسی طرح اشیاء 1.59، سی ڈی 1.89، انرجی 0.96، ایف ایم سی جی 0.95، فنانشل سروسز 1.93، ہیلتھ کیئر 0.67، انڈسٹریل 1.73، آئی ٹی 1.22، ٹیلی کام 2.08، یوٹیلٹیز 0.03، آٹو کیپلیس، 2.400، پاور 1.40، ریئلٹی 1.98، ٹیک 1.49 اور سروسز گروپ کے حصص میں 1.82 فیصد کمی ہوئی۔عالمی مارکیٹ کا رجحان کمزور رہا۔ اس عرصے کے دوران برطانیہ کا ایف ٹی ایس ای2.00، جرمنی کا ڈیکس اور جاپان کا نکئی1.11 فیصد گر گیا۔ تاہم ہانگ کانگ کے ہینگ سینگ میں 1.95 اور چین کے شنگھائی کمپوزٹ میں 1.20 فیصد اضافہ ہوا۔