برفباری کے بعد موسم کھل گیا، بدحالی برقرار، 476 سڑکیں بند

شملہ، جنوری ۔ہماچل پردیش میں منگل کو شدید بارش اور برف باری ہوئی اور ہلکے بادلوں کے درمیان موسم تو کھل گیا ہے لیکن مصائب جاری ہیں۔اس کے ساتھ ہی ریاست میں تین قومی شاہراہوں سمیت 476 سڑکیں گاڑیوں کی آمدورفت کے لیے بند ہیں اور 697 پاور ٹرانسفارمر بھی خراب چل رہے ہیں۔شملہ ضلع میں ہماچل میں سب سے زیادہ 180 سڑکیں بلاک ہیں۔ لاہول اسپتی میں 150 سڑکیں، کنور میں 72، کلو میں 35 اور چمبا میں 27 سڑکیں بند پڑی ہیں۔ اسی طرح شملہ ضلع میں 241، لاہول اسپتی میں 167، کنور میں 196، چمبا میں 66، کلّو میں 11 اور منڈی میں 16 بجلی کے ٹرانسفارمر منقطع ہیں۔ سڑکیں اور بجلی کی فراہمی بند ہونے سے عوام کی مشکلات میں اضافہ ہو گیا ہے۔ضلع چمبا کے قبائلی علاقے پانگی میں موسم کھلنے کے بعد پانگی کے رہائشی اپنے گھروں کی چھتوں سے برف ہٹانے کے کام میں لگ گئے۔ برف ہٹانے میں خواتین بھی مردوں کے شانہ بشانہ کھڑی رہیں۔ گاوں والوں کا کہنا ہے کہ شدید برف باری نے مشکلات میں اضافہ کر دیا ہے۔ ایسے میں اگر بروقت گھروں کی چھتوں سے برف نہیں ہٹائی گئی تو یہ گھروں کو بھی نقصان پہنچا سکتی ہے۔ منگل کی صبح سے ہی گاؤں کے لوگ اپنے گھروں کی چھتوں اور آس پاس پڑی برف کو ہٹاتے ہوئے نظر آئے۔موسمیاتی مرکز کے ڈائریکٹر سریندر پال نے بتایا کہ آج سے اگلے چار پانچ دنوں تک موسم صاف رہے گا۔ جس کی وجہ سے ریاست کے عوام کو سخت سردی سے کچھ راحت ملے گی۔انہوں نے کہا کہ فروری کو صبح و شام دھند اور سردی کی لہر کے لیے ‘یلو الرٹ’ جاری کیا گیا ہے۔ 4 فروری تک پوری ریاست میں موسم صاف رہنے کی امید ہے۔ تاہم یکم فروری کو ایک یا دو مقامات پر بارش اور برف باری ہو سکتی ہے۔ پھر بھی درمیانی اور بلند پہاڑوں پر چند مقامات پر بارش اور برفباری کی پیشن گوئی کی گئی ہے۔ریاست میں کم از کم درجہ حرارت کیلونگ میں منفی 8.3 ڈگری تھا جبکہ شملہ میں کم از کم درجہ حرارت 4.0، سندر نگر 3.5، بھونتر 4.0، کلپا منفی 5.0، دھرم شالہ میں 6.2، اونا 6.2، نہان 10.1، پالم پور 4.5، سولن 3.3 منالی 0.4، کانگڑا 7.4، 4.35 منڈی 6.1، بلاسپور 5.0، ہمیر پور 6.2، چمبا 5.4، جبارہٹی 5.5، کفری 1.5، کوکمسیری منفی 7.6، نارکنڈہ منفی 1.0، سیو باغ 3.5، دھولاکوان 6.7، برٹھیں 8.0، پانوٹا صاحب 9.0 اورسراہن میں 1.0 ڈگری سینٹی گریڈ ریکارڈ کیا گیا۔