آئی آئی ٹی مدراس کو اہم پہچان ملی

چنئی، دسمبر۔انڈین انسٹی ٹیوٹ آف ٹیکنالوجی-مدراس (آئی آئی ٹی۔ ایم) نے وہاٹرن کیو ایس ری امیجن ایجوکیش ایوارڈس (آسکر آف ایجوکیشن) میں اہم پہچان حاصل کی ہے۔ ڈیٹا سائنس اور ایپلی کیشنز میں بی ایس نے بہترین آن لائن پروگرام کے زمرے میں چاندی کا تمغہ جیتا، جبکہ آئی آئی ٹی اور آئی آئی ایس سی مشترکہ پہل ( نیشنل پروگرام آن ٹکنالوجی اینہینسڈ لرننگ) نے زندگی بھر سیکھنے کے زمرے میں سونے کا تمغہ جیتا۔وہاٹرن کیو ایس ری امیجن ایجوکیش ایوارڈس تعلیم میں جدت اور عمدگی کو فروغ دینے والے ماہرین تعلیم، اداروں اور تنظیموں کی شاندار کامیابیوں کا جشن ہے۔ایوارڈ کے زمرے تعلیم کے شعبے کے تنوع اور وسعت کو ظاہر کرنے کے لیے بنائے گئے ہیں۔ فاتحین کا انتخاب ایک ماہر پینل کے ذریعے کیا جاتا ہے۔پیر کو یہاں آئی آئی ٹی-ایم کی ایک ریلیز میں بتایا گیا کہ اس سال کی ایوارڈ تقریب حال ہی میں امریکی ریاست پنسلوانیا کے شہر فلاڈیلفیا کے وارٹن کیمپس میں منعقد ہوئی تھی ۔آئی آئی ٹی ۔ ایم بی ایس ڈگری پروگرام میں اس وقت مختلف سطحوں پر 15,000 سے زیادہ طلباء کا اندراج ہے۔ اس کا مقصد انہیں اپنے کیریئر کے سفر میں آگے رہنے میں مدد کرنا ہے۔ یہ پروگرام آن لائن ڈیلیوری اور ان پرسن اسسمنٹ کے ساتھ ہائبرڈ موڈ میں ہے۔آج تک، این پی ٹی ایل سرٹیفیکیشن کے لیے 4,000 سے زیادہ کورسز پیش کرتا ہے، جس میں دو کروڑ سے زیادہ اندراج اور 23 لاکھ سے زیادہ امتحانات رجسٹرڈ ہیں۔آئی آئی ٹی۔ ایم کے ڈائریکٹر پروفیسر۔وی کماکوٹی نے کہا، ہم وہاٹرن کیو ایس ری امیجن ایجوکیش سے یہ اعزاز حاصل کرنے پر فخر ہے۔ ہمارا بی ایس پروگرام اور این پی ٹی ای ایل اس بات کی مثالیں ہیں کہ طالب علموں کو ان کے مقام سے قطع نظر اعلیٰ معیار کی تعلیم فراہم کرنے کے لیے ٹیکنالوجی کا کس طرح فائدہ اٹھایا جا سکتا ہے۔ انہوں نے مزید کہا کہ ہم اپنے طلباء کے لیے سیکھنے کے تجربے کو بڑھانے کے لیے اختراعات اور نئے طریقے تلاش کرنے کے لیے پرعزم ہیں۔