لاء کالج معاملے میں بغاوت کرنے والی تنظیموں سے تعلقات کی تحقیقات ہونی چاہئے: نروتم

بھوپال، دسمبر۔مدھیہ پردیش کے وزیر داخلہ ڈاکٹر نروتم مشرا نے آج کہا کہ اندور لاء کالج سے جڑے معاملے میں پاپولر فرنٹ آف انڈیا (پی ایف آئی) اور دیگر ملک مخالف تنظیموں کی بھی جانچ کی جا رہی ہے۔ڈاکٹر مشرا نے صحافیوں سے بات چیت کے دوران کہا کہ اندور لاء کالج معاملے میں فوری طور پر سے ملزمین کے خلاف کارروائی کی گئی ہے۔ اب سب کے پروفائل کی چھان بین کی جا رہی ہے۔ یہ بھی دیکھا جا رہا ہے کہ معاملے سے جڑے لوگوں کے تار پی ایف آئی یا کسی اور ملک دشمن تنظیموں سے تو نہیں جڑے ہوئے ہیں۔ معاملے کی باریکی سے تفتیش کی جا رہی ہے۔انہوں نے کہا کہ ہم آہنگی کو کسی بھی طرح سے متاثرنہ ہو، حکومت اس بات کا خیال رکھے گی۔اندور کے گورنمنٹ لاء کالج میں مذہبی جنون پھیلانے اور اشتعال انگیز تعلیمات دینے کے الزامات سامنے آئے تھے۔ اس کے بعد انکوائری کمیٹی نے معاملے کی جانچ کی،جس کی بنیاد پر پرنسپل اور ایک اسسٹنٹ پروفیسر کو معطل کر دیا گیا ہے۔ معاملے میں کچھ ہندو تنظیموں نے اس شکایت کی تھی، جس کے بعد یہ معاملہ سامنے آیاتھا۔