آشیروادملاقات کے بعد ڈمپل کی راہ ہوئی آسان

اٹاوہ، نومبر۔پرگتی شیل سماج وادی پارٹی (پی ایس پی) کے سربراہ شیو پال سنگھ یادو کے اپنے بھتیجے اور سماج وادی پارٹی کے صدر اکھلیش یادو کے ساتھ ‘آشیرواد ملاقات بحث کا مرکز بنی ہوئی ہے۔ اس حوالے سے کافی دیر تک بحث جاری رہی۔ اکھلیش یادو اپنے چچا شیو پال سے ملنے ان کے گھر پہنچے اور ان کی اہلیہ ڈمپل یادو بھی ان سے آشیرواد لینے پہنچیں۔اکھلیش یادو کی جانب سے ٹویٹ کرکے ایک تصویر جاری کی گئی ہے جس میں اکھلیش یادو اپنے چچا شیو پال سنگھ یادو، کزن آدتیہ یادو اور اہلیہ ڈمپل یادو کے ساتھ بیٹھے نظر آرہے ہیں۔ مسٹر اکھلیش نے اپنے ٹویٹ میں ذکر کیا ہے کہ بزرگوں کا آشیرواد بہت ضروری ہے۔ بے شک، مطلب کچھ بھی ہو، لیکن اکھلیش شیو پال کی وہ ملاقات جس کا لوگوں کو کافی عرصے سے انتظار تھا، وہ انتظار ضرور ختم ہوا ہے۔سماج وادی پارٹی کے قومی صدر اکھلیش چچا شیو پال سنگھ یادو کے گھر تقریباً ایک گھنٹے تک جاری رہنے والی اس آشیرواد میٹنگ کے بعد اپنی رہائش گاہ کے لیے روانہ ہوگئے، حالانکہ اس موقع پر انہوں نے میڈیا سے بات نہیں کی۔ میڈیا والوں نے تمام کوششیں کیں لیکن مسٹر اکھلیش نے اس سلسلے میں کچھ بھی بتانا مناسب نہیں سمجھا۔سماج وادی پارٹی کے بانی ملائم سنگھ یادو کے انتقال کے بعد مین پوری پارلیمانی سیٹ کے ضمنی انتخاب کے لیے شیو پال سنگھ یادو کا کردار اپنے آپ میں بہت اہم ہو گیا ہے۔ درحقیقت جسونت نگر اسمبلی حلقہ سے شیو پال سنگھ یادو 1996 سے مسلسل منتخب ہوتے چلے آرہے ہیں۔ یہ اسمبلی حلقہ کہیں نہ کہیں مین پوری پارلیمانی سیٹ کے لیے مصیبت کو دور کرنے والے یا جان بچانے والے کے کردار میں نظر آرہی ہے۔