آئی پی ایل نے مجھے اپنے کھیل کو بہتر بنانے میں مدد کی: اسٹائنس

پرتھ، اکتوبر۔ آسٹریلیا کے جارح بلے باز اور آل راؤنڈر مارکس اسٹانیس نے ٹی 20 ورلڈ کپ 2022 میں سری لنکا کے خلاف ریکارڈ توڑ پچاس رن بنانے کے بعد کہا کہ انڈین پریمیئر لیگ (آئی پی ایل) نے ان کا کھیل بہتر بنانے میں مدد کی۔اسٹائنس نے منگل کو یہاں میچ کے بعد ایک پریس کانفرنس میں کہا، "آئی پی ایل نے میری کرکٹ کو بدل دیا ہے اور مجھے بہتر ہونے میں مدد کی ہے۔” یہ صرف مخصوص وکٹوں پر کھیلنے کی بات نہیں ہے۔ پوری دنیا کے کوچ اور کھلاڑیوں کے ساتھ کھیلنے کا تجربہ بھی ملتا ہے۔”اسٹائنس نے سری لنکا کے خلاف 18 گیندوں پر 59 رن کی آتشیں اننگز کھیلی۔ جب وہ وکٹ پر آئے تو آسٹریلیا کو سات اوور میں 61 رن کی ضرورت تھی لیکن اسٹائنس کی بدولت کنگارووں نے 21 گیندیں باقی رہتے ہدف کا حاصل کرلیا۔ اسٹانیس نے اپنی اننگز میں اسپن گیندبازوں کو نشانہ بنایا جو اسکور بورڈ پر بھی نظر آیا۔ سری لنکا کے پراسرار گیند باز وانندو ہسرنگا نے اپنے چار اوور میں 53 رن دیے جب کہ مہیش تیکشنا، جنہوں نے اپنے پہلے دو اوورز میں صرف تین رنز دیے، تیسرے اوور میں 20 رن دیئے۔اسٹونیس نے اسپن کے خلاف اپنے دھماکہ خیز کھیل کا سہرا آئی پی ایل کو دیتے ہوئے کہا، "میں نے کئی برسوں سے آئی پی ایل میں بہت سی مختلف ٹیموں کے لیے کھیلا ہے۔ وہاں آپ کو اسپن کھیلنے کے طریقے سے متعلق مختلف تکنیکوں اور ذہنیت کے بارے میں معلوم ہوتا ہے، اس نے یقینی طور پر مجھے کھیل کو بہتر بنانے میں مدد کی ہے۔”اس اننگز کے ساتھ ٹی ٹوئنٹی انٹرنیشنل میں آسٹریلیا کے لیے تیز ترین ففٹی بنانے کا ریکارڈ بھی اسٹائنس کے پاس ہے۔ یہ یوراج سنگھ (2007، ڈربن) کے بعد ٹی 20 ورلڈ کپ کی تیز ترین ففٹی بھی ہے۔ا سٹائنس کی اننگز کے بغیر آسٹریلیا اس میچ میں مشکلات سے دوچار نظر آرہی تھی، جس کا دباؤ وہ خود بھی محسوس کر سکتے تھے۔اسٹائنس نے کہا کہ سچ کہوں تو میں تھوڑا دباؤ میں تھا۔ میرا مقصد کریز پر جا کر میچ پر کچھ اثر ڈالنا اور اپنی ٹیم کے کھلاڑیوں میں کچھ توانائی ڈالنا تھا۔”اسٹائنس کی شاندار اننگز کی بدولت آسٹریلیا نے نہ صرف ایک آسان جیت درج کی بلکہ اپنے نیٹ رن ریٹ کو بڑھانے میں بھی کامیاب رہی۔ پہلے میچ میں نیوزی لینڈ کے ہاتھوں 89 رن کی شکست کے بعد اس جیت نے آسٹریلیا کی سیمی فائنل میں پہنچنے کی امیدیں زندہ رکھی ہیں۔