مینڈس کو سینے میں درد کی شکایت کے بعد اسپتال میں داخل کرایا گیا
ڈھاکہ ، مئی۔سینے میں درد کی شکایت کے بعد کوسل مینڈس کو ڈھاکہ کے اسپتال میں داخل کرایا گیا ہے ۔ مینڈس 23ویں اوور میں قدرے بے چینی محسوس کر رہے تھے ۔ اس کے بعد وہ زمین پر لیٹ گئے ۔ پہلے طبی عملے نے ان سے بات کی اور فوراً ہی وہ دونوں ہاتھوں سے اپنے سینے کو پکڑے ہوئے میدان سے باہر چلے گئے ۔ بی سی بی کے ڈاکٹر منظور حسین چوہدری کا کہنا تھا کہ مینڈس کو ’مناسب تشخیص اور بہتر انتظامات‘ کے لیے اسپتال لے جانا پڑا۔ چوہدری کے مطابق مینڈس میچ کے دوران ڈائیڈریشن سے متاثر تھے، جو ان کی پریشانی کی وجہ ہو سکتی ہے ۔ انہوں نے مینڈس کی تکلیف کی ممکنہ وجہ گیسٹرائٹس بتائی ہے ۔ ابھی تک یہ واضح نہیں ہے کہ وہ کب تک اسپتال میں رہیں گے اور ڈھاکہ ٹیسٹ میں ان کی شرکت کس طرح ہو گی ۔ مینڈس نے چٹاگانگ ٹیسٹ کی پہلی اننگز میں عمدہ نصف سنچری بنائی تھی ۔ اس کے بعد انہوں نے دوسری اننگز میں 48 رن کی تیز اننگز کھیلی جس کی وجہ سے سری لنکا میچ ڈرا کرنے میں کامیاب رہا ۔ پہلے ٹیسٹ میچ میں نمی کی وجہ سے صوتحال خراب تھی ۔ تمیم اقبال کو کافی کریمپ آرہے تھے جبکہ آن فیلڈ امپائر رچرڈ کیٹلبرو کو بھی شدید گرمی کے باعث چوتھے روز میدان چھوڑنا پڑا ۔ ٹیسٹ کے دوران کھلاڑیوں کو کئی بار پانی پیتے ہوئے دیکھا گیا ۔