خواتین آئی پی ایل 10 برسوں میں ہندوستان کو ناقابل شکست بنا دے گا: ہیلی

میلبورن، مارچ ۔ آسٹریلیا کی اسٹار وکٹ کیپر بلے باز ایلیسا ہیلی نے بی سی سی آئی اور پی سی بی کی جانب سے اعلان کردہ خواتین ٹی20 مقابلے کا خیرمقدم کیاہے۔ ان کا یہ بھی ماننا ہے کہ خواتین آئی پی ایل کی آمد سے ہندوستانی ٹیم 10 برسوں میں ‘ناقابل شکست بن سکتی ہے۔ ویمنز ورلڈ کپ کے سیمی فائنل میں آسٹریلیاکو ویسٹ انڈیز کے خلاف سنچری اننگ سے جیت دلانے کے بعد ہیلی نے کہا، ’’ویمنز آئی پی ایل اور ویمنز پی ایس ایل جیسے ٹورنامنٹس کا منصوبہ بہت اچھی خبرہے۔یہ خاتون کرکٹ کے لئے اگلا قدم ہے اورٹھیک اسی کی ضرورت تھی۔خواتین بی بی ایل، کیئا سپرلیگ اوردی ہنڈریڈ جیسے مقابلے کو ہم نے پوری دنیا میں کامیاب ہوتے دیکھا ہے۔ ایسے میں خواتین آئی پی ایل کا آنا ہندوستان میں کھیل کو فروغ دینے کا موقع پانا بہت ضروری ہے۔ ہیلی نے کئی برسوں سے خاتون آئی پی ایل کی حمایت کی ہے۔ خواتین کرکٹ کے کئی سرکردہ کھلاڑیوں کی طرح ان کا ماننا رہا ہے کہ ہندوستانی ٹیم کی ترقی کے لئے آئی پی ایل جیسے مقابلے کا ہونا انتہائی ضروری ہے۔ ہیلی آئی پی ایل کے ساتھ ہونے والےخواتین کے چیلنج کے پہلے سیزن میں ایک نمائشی مقابلے کا حصہ تھیں اورانہوں نے کہا، "بھارت خواتین کرکٹ میں ایک بہت بڑی غیر استعمال شدہ مارکیٹ ہے۔ ان کی آبادی کے ساتھ 10 سال میں ایک ناقابل شکست ٹیم بننے کی صلاحیت رکھتی ہے۔ انہیں صرف ایک پلیٹ فارم کی ضرورت ہے جہاں ان کے باصلاحیت کھلاڑی اپنا کھیل دکھا سکیں۔” ہیلی اور دیگر آسٹریلوی کھلاڑی 2018 میں ایک ون آف نمائشی میچ کھیلنے کے بعد سے ٹی 20 چیلنج کا حصہ نہیں بن پائی ہیں۔ اس کے اگلے سال بی سی سی آئی اورکرکٹ آسٹریلیا کے درمیان معاہدہ نہیں ہوپایاتھا اور اس کے بعد 2020 میں ٹی20 چیلنج ویمنز بی بی ایل کے ساتھ ہی منعقد ہواتھا۔ 2021 میں ان میچوں کا انعقاد نہیں ہواتھا۔ ہیلی نے تسلیم کیا کہ ان کی دستیابی بھی شیڈولنگ پر منحصر ہوگی۔ انہوں نے کہا کہ میں یقین سے نہیں کہہ سکتی کہ آگے بڑھتے ہوئے بین الاقوامی کرکٹ کو ترجیح مل سکتی ہے یا ڈومیسٹک لیگز کو۔ میں پرجوش ہوں کہ کم از کم ایسے ٹورنامنٹس کے بارے میں بات ہو رہی ہے اور امید ہے کہ وہ زیادہ دور نہیں ۔ اگر کسی کو 32-33 سال کی ایسی اوپنر کی ضرورت ہے جو اسٹمس کے پیچھے بک بک بھی کرلیتی ہے تو میں ضرور دستیاب رہوں گی۔