کلسٹرز ، مرے کو یو ایس اوپن وائلڈ کارڈ اینٹری

واشنگٹن ، سابق چمپین بیلجیم کے کم کلسٹرز اور برطانیہ کے اینڈی مرے کو 2020 یو ایس اوپن کھیلنے کے لئے وائلڈ کارڈ داخلہ ملا ہے ۔
یو ایس اوپن کے منتظمین سے موصولہ اطلاعات کے مطابق خواتین کی سابق ​​عالمی نمبر ایک کلسٹرز 2009 کے یو ایس اوپن والے اپنے جادو کو دہرانے کے خواہاں ہوں گی جب انہوں نے پہلی ریٹائرمنٹ سے واپسی کے بعد وائلڈ کارڈ کے طور پر خواتین کے سنگلز کا اعزاز جیتا تھا ، اس دوران وہ ماں بنیں تھیں۔ تین بار کی یو ایس اوپن چمپیئن (2005 ، 2009-10)سال 2020 میں اس سے قبل اپنی دوسری ریٹائرمنٹ کے بعد باہر ہوگئی تھیں اور 2012 کے یو ایس اوپن کے بعد اس کھیل سے دستبردار ہونے کے بعد وہ پہلی بار یو ایس اوپن کھیلیں گی۔وہ فی الحال غیر رینک ہیں ، جنہوں نے دبئی ٹینس چمپئن شپ اور مونٹیری اوپن میں رواں سیزن کے شروع میں صرف دو میچ کھیلے تھے بعد ازاں کوویڈ 19 وبائی مرض کی وجہ سے اس ٹور کو منسوخ کردیا گیا تھا۔سابق ​​عالمی نمبر ایک مرے نے 2012 کے یو ایس اوپن میں اپنے تین گرینڈ سلیم ٹائٹلز میں سے پہلا خطاب جیتا تھا۔ 33 سالہ مرے کی کمر کی سرجری سے صحت یابی کا عمل جاری ہے اور 2018 کے بعد پہلی بار فلشنگ میڈو میں حصہ لیں گے۔

Related Articles