بایرن میونخ 11 ویں مرتبہ چمپئنز لیگ کے فائنل میں

لزبن،پانچ بار کے چمپیئن بایرن میونخ نے سیمی فائنل میں فرانسیسی کلب لیون کو 3-0 سے شکست دیکر11 ویں مرتبہ چمپئنز لیگ کے فائنل میں داخلہ حاصل کرلیا ہے۔اب اس کا مقابلہ فائنل میں پیرس سینٹ جرمین (پی ایس جی ) سے ہوگا۔ پی ایس جی نے اس سے قبل سیمی فائنل میں جرمن کلب آر بی لیپزگ کو 3-0 سے شکست دی تھی۔
رواں سیزن میں یہ بایرن میونخ کی مسلسل دسویں جیت ہے۔ اس کے ساتھ انہوں نے لیگ کی تاریخ میں لگاتار میچ جیتنے کے پانچ سال پرانے ریال میڈرڈ کے ریکارڈ کے برابر کی۔لیون کے خلاف میچ میں بایرن میونخ شروع سے ہی دباؤ میں تھا۔ ٹیم کو 18 ویں منٹ میں فائدہ ہوا۔ سرج نابری نے گول کرکے ٹیم کو برتری دلادی۔ نابری نے 15 منٹ بعد دوسرا گول کیا۔ اس کے ساتھ ہی وہ چمپئنز لیگ کے سیمی فائنل میں 2 گول اسکور کرنے والے دوسرے جرمن کھلاڑی بن گئے۔
اس سے قبل 2012-13 میں ان کے ساتھی تھامس مولر نے بارسلونا کے خلاف سیمی فائنل میں دو گول اسکور کیے تھے۔ نابری نے اس سیزن میں اب تک 9 گول اسکور کیے ہیں۔ آدھے وقت تک یہی اسکور تھا۔بایرن میونخ نے دوسرے ہاف میں بھی جارحانہ فٹ بال کھیلا اور لیون کے خلاف گول کرنے کے کئی موقع بنائے ۔ 88 ویں منٹ میں رابرٹ لیوینڈوسکی نے بایرن کے لئے تیسرا گول کرکے فائنل میں داخلے پر مہر لگائی۔ لیوینڈوسکی کا سیزن کا 15 واں گول تھا۔ وہ ایک ہی سیزن میں 15 یا اس سے زیادہ گول اسکور کرنے والے دوسرے کھلاڑی بن گئے ہیں ۔ ان سے پہلے کرسٹیانو رونالڈو 2013-14 میں 17 ، 2015-16 میں 16 اور 2017-18 میں 15 گول کر چکے ہیں۔
لیوینڈوسکی مسلسل میچوں میں 9 گول اسکور کرنے والے کلب کی تاریخ کے تیسرے کھلاڑی بن گئے۔ اس سے پہلے ، 2003 میں روڈ وین نسٹرلوئی نے 9 اور 2018 میں رونالڈو نے لگاتار 11 گول اسکور کیے تھے۔اس فتح کے ساتھ ہی بایرن ایک ہی سیزن میں 40 یا اس سے زیادہ گول کرنے والی میونخ چمپئنز لیگ کی تاریخ کی چوتھی ٹیم بن گئی۔ جرمن کلب نے اس سیزن میں 42 گول اسکور کیے ہیں۔ اس سے قبل بارسلونا نے 1999–2000 کے سیزن میں 45 ، 2013۔14 میں ریال میڈرڈ نے 41 اور 2017-18 میں لیورپول نے بھی اتنے ہی گول اسکور کیے تھے۔

Advertisement
Advertisement

Related Articles