چھتیس گڑھ کے اسکولوں میں رگھوپتی راگھو اور ویشنو جن کو باقاعدہ پڑھا جائے گا:بھوپیش

رائے پور، اکتوبر۔چھتیس گڑھ کے وزیر اعلی بھوپیش بگھیل نے کہا ہے کہ ان کے دو پسندیدہ بھجن رگھوپتی راگھو راجہ رام اور ویشنو جن سے تینے کہیے جی.. چھتیس گڑھ کے اسکولوں میں باقاعدگی سے پڑھے جاتے ہیں تاکہ ریاست کے بچوں میں گاندھی جی کے خیالات کو ابھارا جا سکے۔ آج یہاں اس کا اعلان کرتے ہوئے مسٹر بگھیل نے کہا کہ سب سے بڑی مماثلت سابق وزیر اعظم بھارت رتن محترمہ اندرا پریہ درشنی گاندھی اور سابق نائب وزیر اعظم سردار ولبھ بھائی پٹیل کی شخصیات میں مہاتما گاندھی کی اقدار کی موجودگی تھی۔ ان دونوں شخصیات کی زندگی گاندھی جی کے افکار سے تشکیل پاتی تھی۔انہوں نے کہا کہ پوری دنیا میں بدلتے ہوئے سماجی و سیاسی ماحول میں گاندھی جی کے پسندیدہ بھجن کی اہمیت بڑھ گئی ہے، آج وقت کی ضرورت ہے کہ ان بھجنوں کی بنیادی روح کو سمیٹ کر زندگی میں اپنایا جائے۔ قومی اتحاد اور سماجی ہم آہنگی ہندوستان کی بنیادی فطرت ہے۔ سیاست کو خدمت کا ذریعہ بنانے کے لیے ہم سب کا فرض ہے کہ ہم ضرورت مندوں، مظلوموں، پسماندہ لوگوں کے دکھ درد کو محسوس کریں اور ان کی ہر ممکن مدد کریں۔

Advertisement

Related Articles