شوٹر ناروال نے طلائی ، اڈانا نے چاندی کے تمغے حاصل کئے

ٹوکیو ، 4 ستمبر, ہندستانی نشانے باز منیش ناروال اور سنگھ راج اڈانا نے ہفتہ کو ٹوکیو پیرالمپکس میں مردوں کے شوٹنگ پی4 مکسڈ 50 میٹر پستول ایس ایچ1 ایونٹ میں بالترتیب سونے اور چاندی کے تمغے جیتے۔ان دو تمغوں کے ساتھ ان کھیلوں میں ہندوستان کے تمغوں کی تعداد 15 تک ہوگئی ہے۔19 سالہ ناروال نے فائنل میں 218.2 کا پیرالمپک ریکارڈ قائم کیا اور گولڈ میڈل جیتا۔دریں اثنا ، اڈانا نے 216.7 کے اسکور کے ساتھ چاندی کا تمغہ جیتا۔ ان کھیلوں میں اڈانا کا یہ دوسرا تمغہ ہے۔ اس نے اس سے قبل منگل کو پی 1 مینز 10 میٹر ایئر پسٹل ایس ایچ 1 ایونٹ میں کانسے کا تمغہ جیتا تھا۔ روسی اولمپک کمیٹی کے سرگئی مالیشیو نے 196.8 کے اسکور کے ساتھ کانسے کا تمغہ جیتا۔اس سے قبل دونوں ہندوستانی شوٹر نے بھی کوالیفیکیشن راؤنڈ میں اچھی پیش رفت کی اور فائنل میں جگہ بنائی۔ اڈانا 536 کے اسکور کے ساتھ چوتھے اور ناروال 533 کے اسکور کے ساتھ ساتویں نمبر پر رہا۔ ایک اور ہندوستانی شوٹر آکاش کوالیفائنگ راؤنڈ میں 27 ویں نمبر پر رہا۔