رشی سوناک شمالی آئرلینڈ سے متعلق قانون سازی ترک نہ کریں، بورس جانسن

لندن ، لوٹن ،فروری۔ برطانیہ کے سابق وزیراعظم بورس جانسن نے وزیراعظم رشی سوناک کو خبردار کیا کہ وہ شمالی آئرلینڈ سے متعلق ان کی متعارف کی گئی قانون سازی کو ترک نہ کریں۔منصو بے سے ہٹنا بڑی غلطی ہوگی۔ ان رپورٹس کے تناظر کہ برطانیہ اور یورپی یونین نئے معاہدے کے لیے کوشاں ہیں،سابق وزیراعظم کے قریبی ذرائع کے مطابق جانسن نے رشی سوناک پر زور دیا ہے کہ وہ اس قانون سازی کو ترک نہ کریں جو انہوں نے متعارف کرایا تھا کہ کس طرح شمالی آئرلینڈ کی بریگزٹ کے بعد کی تجارت طویل مدت میں کام کرے گی۔ شمالی آئرلینڈ پروٹوکول بل اس وقت پیش کیا گیا جب مسٹر جانسن وزیر اعظم تھے، لیکن مسٹر سنک ایک نئے معاہدے پر اتفاق کرنے کے لیے یورپی یونین کے رہنماؤں سے ملاقات کرتے رہے ہیں۔ ذرائع نے بتایا کہ سابق وزیر اعظم کا خیال تھا کہ اپنے منصوبے سے ہٹنا ایک بڑی غلطی ہوگی۔ پروٹوکول بل فی الحال پارلیمنٹ میں موقوف ہے جبکہ برطانیہ اور ای یو ایک نیا معاہدہ کرنے کی کوشش کر رہے ہیں جس کا مقصد ایک بار پھر سے آئرش سمندر کے پار تجارت اور شمالی آئرلینڈ میں یورپی عدالت انصاف کے دائرہ اختیار جیسے دیرینہ مسائل کو حل کرنا ہے۔ ہفتے کے روز بات چیت کے تازہ ترین دور کے بعد مسٹر سوناک نے خبردار کیا کہ ایک معاہدہ کسی بھی طرح سے نہیں ہوا اور کہا کہ ابھی بھی کام کرنے کے لیے چیلنجز ہیں۔