مہاراشٹرا حکومت سرحدی علاقوں میں مراٹھی بھائیوں کے ساتھ مضبوطی سے کھڑی ہے۔ دیویندر فڑنویس

ناگپور،دسمبر۔ مہاراشٹرا حکومت سرحدی دیہاتوں اور مراٹھی بھائیوں کے تعاون کے لئے ان کے ساتھ مضبوطی سےکھڑی ہے یہ یقین دہانی قانون ساز کونسل میں نائب وزیر اعلیٰ دیویندر فڑنویس نے دلائی-۔ انہوں نے یہ کہا کہ ریاستی حکومت تمام سرحدی علاقوں میں گاؤں کی ترقی کے لیے ایک خصوصی پروگرام شروع کرے گی۔ فڑنویس نے سرحدی علاقوں میں پیشرفت کے سلسلے میں اپوزیشن لیڈر امباداس دانوے کے ذریعہ اٹھائے گئے مسئلہ پر بیان دیا۔ ممبران ششی کانت شنڈے، ابھیجیت ونجاری، جینت پاٹل نے اس موضوع پر اظہار خیال کیا فڑنویس نے کہا، مہاراشٹر انٹیگریشن کمیٹی کے اراکین جمہوری طریقے سے احتجاج کر رہے تھے۔ ہندوستان کے آئین نے جمہوری طریقے سے ہر ایک کو احتجاج کا حق دیا ہے۔ لیکن کرناٹک حکومت نے ان مظاہرین کو زبردستی گرفتار کر لیا۔ یہ حکومت ان گرفتار افراد کی رہائی کے لیے فوری کارروائی کرے گی۔‘‘ مرکزی وزیر داخلہ امت شاہ نے اس بات کو یقینی بنانے کے لیے مداخلت کی کہ سرحدی باشندوں کے معاملے پر دونوں ریاستوں کے درمیان ہم آہنگی ہو اور ناانصافی کو روکنے کے لیے دونوں ریاستوں کے وزرائے اعلیٰ کی موجودگی میں ایک میٹنگ ہوئی۔ کرناٹک کے وزیر اعلی کے ٹویٹر ہینڈل پر کچھ اشتعال انگیز ٹویٹس تھے۔ لیکن چونکہ یہ ٹویٹ کرناٹک کے وزیر اعلیٰ نے نہیں کیا، اس لیے اس معاملے میں ایف آئی آر درج کرائی گئی۔ انہوں نے ریاستی حکومت کی طرف سے نافذ کی گئی مختلف اسکیموں، فراہم کردہ فنڈز اور مجوزہ اسکیموں کے بارے میں بھی تفصیلات مہیا کروائی ۔