میکس ورسٹاپن نے مسلسل دوسرا فارمولا ون ورلڈ ٹائٹل جیتا

سوزوکا، اکتوبر۔ریڈ بل کے میکس ورسٹاپن نے اتوار کو جاپان گراں پری میں پہلی پوزیشن حاصل کرتے ہوئے اپنے کیریئر کی دوسری فارمولا ون ورلڈ چیمپئن شپ جیت لی۔ ورسٹاپن نے پہلی پوزیشن حاصل کر کے جاپان گراں پری جیتی، جبکہ فیراری کے چارلس لیکرک، جنہوں نے ریس کو دوسرے نمبر پر ختم کیا، پانچ سیکنڈ کی پنالٹی کے بعد تیسرے نمبر پر رہے۔ لیکرک پر ایک جرمانے سے ورسٹاپن کے ہم وطن سرجیو پیریز دوسرے نمبر پر رہے۔ ورسٹاپن پوری دوڑ میں حاوی رہے۔ بارش کی وجہ سے کچھ کاریں آپس میں ٹکرانے کے بعد ریس کو روک دیا گیا۔ ریس دو گھنٹے کی تاخیر کے بعد دوبارہ شروع ہوئی اور ورسٹاپن نے چار لیپ پہلے ٹائٹل اپنے نام کر لیا۔ یہ ورسٹاپن کے کیریئر کا دوسرا فارمولا ون ورلڈ چیمپئن شپ خطاب ہے۔ اس سے قبل انہوں نے یہ ٹائٹل 2021 میں بھی جیتا تھا۔