مہاراشٹر میں کورونا کے 2575 نئے معاملے، مزید 10 مریضوں کی موت

اورنگ آباد/ممبئی، جولائی۔گزشتہ 24 گھنٹے کے دوران مہاراشٹر میں کورونا انفیکشن کے 2575 نئے معاملات سامنے آئے اور دس مزید مریضوں کی موت ہوگئی۔ہیلتھ بلیٹن میں جمعرات کو یہ اطلاع دی گئی۔ نئے کیسز کے ساتھ متاثرہ افراد کی کل تعداد 8010223 ہو گئی ہے جبکہ اس بیماری سے مرنے والوں کی تعداد 148001 ہو گئی ہے۔اسی عرصے میں 3210 مریض صحت یاب ہوئے، جس کے بعد کورونا سے صحت یاب ہونے والوں کی تعداد 7845300 ہوگئی ہے۔اس دوران ریاست کی صحت یابی کی شرح میں نمایاں کمی آئی ہے جو فی الحال 97.94 فیصد ہے اور شرح اموات 1.84 فیصد پر برقرار ہے۔ریاست میں اب تک جمع کیے گئے نمونوں کی تعداد 8,24,81,808 ہے، جن میں سے 80,10,223 افرادپازیٹیوپائے گئے ہیں۔ بلیٹن میں کہا گیا ہے کہ اس وقت ریاست میں 16,922 ایکٹیو کیسز ہیں جومختلف اسپتالوں میں زیر علاج ہیں۔دریں اثنا، ریاست کے مراٹھواڑہ خطے سے 150 ایکٹو کیسز اور ایک موت کی تصدیق ہوئی ہے، جن میں سے 52 کیس جالنا ضلع سے، 51 اورنگ آباد ضلع، 28 لاتور ضلع، 15 عثمان آباد سے اور 4 بیڈ سے رپورٹ ہوئے ہیں۔