ملائیشیا ماسٹرز: سندھو کو کوارٹر میں تائی ینگ سے شکست

کوالالمپور، جولائی۔۔جمعہ کو سابق عالمی چیمپئن پی وی سندھوملائیشیا زیاٹا ایرینا میں خواتین کے سنگلز کوارٹر فائنل میں ٹوکیو 2020 کی چاندی کا تمغہ جیتنے والی تائی زو ینگ سے ہارنے کے بعد 2022 ماسٹرز سے باہر ہو گئی۔ بیڈمنٹن کی عالمی درجہ بندی میں ساتویں نمبر کی سندھو کو 55 منٹ کے میچ میں چائنیز تائپے اور دنیا کی نمبر دو تائی زو سے 13-21,21-12,12-21 سے شکست ہوئی۔ یہ تائی زو سے سندھو کی مسلسل ساتویں اور 22 میچوں میں ان کی 17ویں شکست تھی۔ دو بار کے اولمپک میڈلسٹ کو ٹوکیو 2020 کے سیمی فائنل میں اور گزشتہ ہفتے ملائیشیا اوپن کے کوارٹر فائنل میں تائی زو سے شکست کا سامنا کرنا پڑا تھا۔ میچ میں سندھو کو تائی زو کے دفاع کو توڑنے میں مشکل پیش آئی اور وہ پہلے وقفہ پر 11-9 سے نیچے چلی گئیں۔ چائنیز تائپے کے شٹلر نے بیک ہینڈ شاٹس اور اسمیش کے عمدہ امتزاج سے میچ میں 1-0 کی برتری حاصل کی۔ سندھو نے دوسرے گیم میں تیز شروعات کرتے ہوئے 11-4 کی برتری حاصل کی۔ تائی زو نے کھیل کے وسط میں واپسی کی، لیکن ابتدائی برتری نے ہندوستانی کو تیسرے گیم میں لے جانے میں مدد کی۔ دونوں شٹلرز نے اپنے فیصلہ کن کھیل میں زبردست مقابلہ کیا۔ تاہم، دو چیلنجوں کو کھونے کے بعد، سندھو نے اپنا مومینٹم کھو دیا اور ابتدائی طور پر تائی نے اہم پوائنٹس حاصل کیے اور تائی تزو بی ڈبلیو ایف سپر 500 بیڈمنٹن ٹورنامنٹ کے سیمی فائنل میں داخلہ لیا۔ مردوں کے سنگلز میں، ہندوستان کے واحد باقی چیلنجر ایچ ایس پرنائے ملائیشیا ماسٹرز 2022 میں جاپان کے کانتا سونیاما سے مقابلہ کریں گے۔