ایشان کشن نے کہا کہ میں دھونی کا کھیل دیکھ کر دنگ رہ گیا ہوں

ممبئی، اپریل۔ممبئی انڈینز کے نوجوان وکٹ کیپر بلے باز ایشان کشن کا کہنا ہے کہ وہ چنئی سپر کنگز (سی ایس کے) کے سابق کپتان مہندر سنگھ دھونی کے کرکٹ کھیلنے کے انداز سے بعض اوقات حیران ہوتے ہیں۔ ان کا مزید کہنا تھا کہ، وہ اکثر دھونی کے کھیل کو سمجھنے کی کوشش کرتے ہیں تاکہ وہ اپنے کھیل میں تبدیلیاں کر سکیں، لیکن وہ میدان میں ان کے بدلتے کھیل کو دیکھ کر دنگ رہ جاتے ہیں۔ کشن آئی پی ایل 2022 کے سب سے مہنگے کھلاڑی ہیں۔ 23 سالہ کھلاڑی ایشان کشن کو ممبئی انڈینز نے آئی پی ایل میگا آکشن 2022 کے دوران 15.25 کروڑ روپے میں خریدا۔ کشن اس سے قبل بھی ممبئی انڈینز کے ساتھ تھے، لیکن ممبئی نے انہیں برقرار نہیں رکھا۔ ‘بریک فاسٹ ود چیمپئنز’ شو میں ایک واقعے کے بارے میں بات کرتے ہوئے کشن نے کہا، "میں ہمیشہ یہ جاننے کی کوشش کرتا ہوں کہ دھونی کھیل میں اپنے دماغ کا استعمال کیسے کرتے ہیں۔ آپ یقین نہیں کریں گے، آئی پی ایل کے ایک میچ میں۔ دھونی نے مجھے سب سے زیادہ تناؤ دیا۔ اس میچ میں اچھا کھیلا اور کافی رنز بنائے، لیکن پھر دھونی بولر طاہر کے پاس گئے اور ان سے کچھ کہا، میں سننے کی کوشش کر رہا تھا لیکن سن نہیں سکا۔ اس کے بعد دھونی بھائی نے انہیں کیا کہا، میں نہیں جانتا، لیکن طاہر نے مجھے گیند آدھی پچ پر پھینکی، جسے میں نے مارنے کی کوشش کی اور میں کیچ ہوگیا۔ آج تک مجھے یہ سمجھ نہیں آئی کہ اسپنر کو ڈرائیو کی کوشش کرنے والا بلے باز تیسرے آدمی کو کیسے کیچ دے سکتا ہے۔