آئی او سی نے یوکرینی اولمپک کمیونٹی کی مدد کے لیے دو لاکھ ڈالر جاری کیے

لوزان (سوئٹزرلینڈ)، مارچ۔بین الاقوامی اولمپک کمیٹی (آئی او سی) کے ایگزیکٹو بورڈ نے ہفتہ کو یوکرین کی اولمپک کمیونٹی کو انسانی امداد فراہم کرنے کے لئے دو لاکھ ڈالر جاری کئے۔سمجھا جاتا ہے کہ آئی او سی، اولمپک یکجہتی اور یورپی اولمپک کمیٹیوں نے یوکرین کی قومی اولمپک کمیٹی کے صدر اور آئی او سی کے رکن سرگئی بوبکا کی سربراہی میں ایک ٹاسک فورس کے ساتھ مل کر فنڈز کو متحرک کیا ہے۔ آئی او سی نے ایک بیان میں کہا،’’یوکرین اولمپک کمیونٹی کی فوری ضروریات کے پہلے جائزے کے بعد، 2 الاکھ ڈالر کی ابتدائی امداد کے لیے تین کوششیں مختص کی گئی ہیں۔ یہ امداد پناہ گاہ اور متعلقہ خدمات جیسے نقل و حمل، لاجسٹکس، ہاؤسنگ، غذائیت اور ادویات، اور محفوظ علاقوں میں عام انسانی امداد کے ساتھ ساتھ کھلاڑیوں، کوچز اور ان کے خاندانوں کی نقل مکانی کے لیے ہے۔یہ بات قابل ذکر ہے کہ یہ رقم انٹرنیشنل جمناسٹک فیڈریشن ورلڈ کپ سیریز اور یورپی چیمپئن شپ 2022 کے آئندہ مقابلوں کے لیے قومی ردھمک جمناسٹک ٹیم کی تیاری کے لیے بھی استعمال کی جائے گی۔آئی او سی نے کہا کہ یوکرین کی قومی اولمپک کمیٹی (این او سی) مستفدین میں رقوم کی تقسیم کے کام کو سنبھالے گی۔