ہم بہت زیادہ بڑے منصوبوں میں نہیں پھنسیں گے: کمنس

برسبین،دسمبر ۔آسٹریلیائی ٹیسٹ کرکٹ ٹیم کے کپتان پیٹ کمنس نے بدھ سے شروع ہورہی ایشیز سیریز پر ردعمل دیتے ہوئے کہا کہ ٹیم بہت زیادہ بڑے منصوبوں میں نہیں پھنسیں گے یا کھلاڑیوں میں بہت زیادہ تبدیلی نہیں کی جائیں گی،جو ہم اکثر دیکھتے ہیں۔آسٹریلیا کے نومنتخب کپتان کمنس نے منگل کو برسبین میں پہلے ایشیز ٹیسٹ میچ کے موقع پر ایک سخت پیغام دیتے ہوئے کہا،’’ ہمارے پاس کچھ خیالات ہیں،لیکن مجھے نہیں لگتا کہ آپ ہمیں اس سے کچھ الگ کرتا دیکھیں گے جو ہم عام طورپر کرتے ہیں۔ ہم اس پر توجہ مرکوز کریں گے جو ہم سچ میں اچھا کرتے ہیں۔‘‘واضح رہے کہ 17.92 کے اوسط سے 25 سے زیادہ وکٹوں کے ساتھ کمنس کا گابا میں ایک شاندار ریکارڈ ہے۔حالانکہ وہ تناؤ سے دور رہنا چاہتے ہیں اور ٹیم کےلئے یکساں ماحول بنانا چاہتے ہیں،کیونکہ ان کا خیال ہے کہ یہ تب ہوتا ہے جب وہ اپنا بہترین کھیل کھیلتے ہیں۔ان کےلئے ٹیم کی قیادت کرنا پہلا موقع نہیں ہے۔انہوں نے کچھ وقت کےلئے سفید گیند ٹیم کرکٹ میں ٹیم کے نائب کپتان کر رول ادا کیا ہے،حال ہی میں ٹی 20 ورلڈ کپ خطاب جیت میں بھی وہ آسٹریلیا کے نائب کپتان تھے۔کمنس نے کہا،’’میں نے پچھلے دو تین برسوں میں فنچی کی کپتانی میں نائب کپتان ہونے کا سچ میں مزہ لیا ہے۔ مجھے لگتا ہے کہ ورلڈ کپ میں ہم نے جو ماحول بنایا ہے وہ ایک خاکہ ہے۔بے شک ٹی 20 اور ٹیسٹ کرکٹ میں حالات الگ ہوتے ہیں،لیکن مجھے لگتا ہے کہ تناؤ سے پاک ماحول ہر کسی کو اپنے طریقے سے کھیلنے میں مضبوط بناتا ہے۔مجھ لگتا ہے کہ زیادہ تر کھلاڑی اپنی بہترین کارکردگی تب کرتے ہیں جب وہ تناؤ سے پاک اور مرکوز ہوں۔‘‘آسٹریلیائی کپتان نے کہا،’’ جسٹن لینگر شاندار رہے ہیں۔وہ یقنی طورپر ابھی بھی چیف کوچ ہیں،لیکن مجھے لگتا ہے کہ وہ نہ صرف کھلاڑیوں کے لئے،بلکہ اپنے آس پاس کے کوچوں کےلئے جو ماحول بناتے ہیں ،وہ سچ میں انہیں مضبوط بناتا ہے۔یہ کچھ معنی میں ایک قدم پیچھے لے جانا اور کھلاڑیوں کو ان کے مطابق ماحول بنانے کی اجازت دینے جیسا ہے۔اسی ماحول نے ٹی 20 ورلڈ کپ میں اچھا کام کیا۔امید ہے کہ یہ اس موسم گرما کے اجلاس میں بھی کام کرےگا۔ یہ زبردست سبق ہے جو ہم نے ورلڈ کپ میں سیکھے ہیں اور ہم اس پر عمل جاری رکھنا چاہتے ہیں۔‘‘کمنس نے کہا،’’میں اپنی ٹیم کو دیکھوں تو ہمارے پاس ایک بہت ہی خاص ٹیم ہے۔ہمارے پاس ہمارے ڈریسنگ روم میں آسٹریلیائی کرکٹ کے کچھ عظیم کھلاڑی ہیں اور جب آپان میں سے زیادہ تر کو میدان پر اتارتے ہیں تو آپ ایک مضبوط ٹیم بن جاتے ہیں ۔ ہم اچھی طرح سےملتے ہیں اور بہت مزہ کرتے ہیں۔اس لئے یہ کہوں گا کہ یہ ایک چست گروپ ہے۔ ہم اپنے کرکٹ کا مزہ لے رہےہیں اور جب ہمیں کھیلنے کا موقع ملتا ہے تو ہم بے رحم ہوتے ہیں۔‘‘واضح رہے کہ آسٹریلیا اور انگلینڈ کے درمیان پہلا ایشیز ٹیسٹ بدھ کو شروع ہوگا۔