لکشمن ڈریوڈ کی جگہ این سی اے ڈائریکٹر کے عہدے کی دوڑ میں آگے ہیں

ممبئی، نومبر۔بورڈ آف کنٹرول فار کرکٹ ان انڈیا (بی سی سی آئی) نیشنل کرکٹ اکیڈمی (این سی اے) کے ڈائریکٹر کے عہدے کے لیے وی وی ایس لکشمن کو ترجیحی امیدوار کے طور پر دیکھ رہا ہے۔ راہول ڈریوڈ کے ہندوستانی ٹیم کے ہیڈ کوچ بننے کے بعد یہ عہدہ خالی ہے۔ کرک انفو کو معلوم ہوا ہے کہ لکشمن، جو اس وقت یو اے ای میں بطور کمنٹیٹر ہیں، اپنے کردار اور دیگر تفصیلات کے بارے میں وضاحت کا انتظار کر رہے ہیں، جس کے بعد وہ اگلا قدم اٹھائیں گے۔ دو سال تک خدمات انجام دینے کے بعد، ڈریوڈ نے این سی اے کے ڈائریکٹر کے عہدے سے گزشتہ ماہ استعفی دے دیاتھا۔ یہاں پر وہ انجری مینجمنٹ، کھلاڑیوں کی بحالی، کوچنگ پروگرام اور ایج گروپ اور خواتین کی کرکٹ کے لیے روڈ میپ کی تیاری دیکھ رہے تھے۔ این سی اے کے سربراہ کو بنگلورو میں مقیم ہونا پڑے گا۔ اکیڈمی کا صدر دفتر ایم چناسوامی اسٹیڈیم کے احاطے میں واقع ہے۔ بی سی سی آئی اکیڈمی شہر سے دور بنا رہا ہے، جہاں پر تمام وسائل دستیاب ہوں گے۔ اگر لکشمن عہدہ سنبھالتے ہیں تو اس کا مطلب ہے کہ انہیں اپنا آبائی شہر حیدرآباد چھوڑنا پڑے گا۔ لکشمن ابھی آئی پی ایل فرنچائزی سنرائزرس حیدرآباد کے مینٹا بھی ہیں۔اس سال کی شروعات تک وہ بنگال کرکٹ فیڈریشن کے بلے بازی صلاح کار بھی تھے۔ وہ چھ سال تک اس عہدے پر برقرار رہے۔ کرکٹ فیڈریشن کے بنگال کو دوبارہ گھریلو کرکٹ میں بہترین بنانے کےلئے چلائے گئے ویژن 2020 کا وہ حصہ رہے تھے۔ اگر لکشمن این سی اے ڈائریکٹر کے عہدے کو قبول کرلیتے ہیں تو انہیں سبھی دیگر عہدوں کو حقوق کے ٹکراؤکی وجہ سے چھوڑنا ہوگا۔ جس کے تحت بی سی سی آئی کا کوئی بھی سابق کھلاڑی یا افسر ایک سے زیادہ عہدوں پر بنا نہیں رہ سکتا ہے۔

Related Articles