جموں کی سبزی میں پیاز کی قیمتوں میں اضافہ

جموں, 24 اگست
جموں و کشمیر میں چینی کے بعد اب پیاز کی بڑھتی قیمتوں نے بھی عام آدمی کی مشکلات میں اضافہ کردیا ہے۔ جموں میں گزشتہ ایک ماہ کے دورا پیاز کی قیمت 35 سے 40 روپے فی کلو سے بڑھ کر 60 روپے فی کلو تک پہنچ گئی ہے۔ تاجروں کے مطابق آنے والے دنوں میں قیمتوں میں مزید اضافہ ہوسکتا ہے۔

نروال منڈی کے تھوک تاجر راج کمار راجا نے بتایا کہ ملک کی مختلف ریاستوں میں شدید بارشوں کے باعث پیاز کی فصل متاثر ہوئی ہے، جبکہ بعض علاقوں میں فصل کی آمد میں تاخیر بھی ہوئی ہے۔ اس کے علاوہ پیاز کے ذخیرہ کیے جانے سے بازار میں قلت کی صورتحال پیدا ہوئی، جس کے نتیجے میں قیمتوں میں اضافہ ہوا۔
انہوں نے کہا کہ سرکاری گوداموں میں پیاز کی کمی نہیں ہے۔ اگر حکومت اپنے ذخائر بازار میں جاری کرے تو قیمتوں کو قابو میں لایا جاسکتا ہے، بصورت دیگر نئی فصل کی آمد تک صارفین کو مہنگا پیاز خریدنا پڑے گا۔
صارفین کا کہنا ہے کہ پہلے ہی سبزیوں کی قیمتیں کافی بڑھ چکی ہیں اور اب پیاز بھی عام آدمی کی پہنچ سے باہر ہوتا جارہا ہے۔
تاجروں کے مطابق نئی فصل کی آمد کے بعد قیمتوں میں کمی کی امید ہے، تاہم فی الحال پیاز کے بڑھتے دام نے عام صارفین کی پریشانی میں مزید اضافہ کردیا ہے۔