مسافر طیارہ ٹیک آف کے دوران فائر انجن سے ٹکرا گیا، دو افراد ہلاک

لیما ،پیرو،نومبر۔جنوبی امریکہ کے ملک پیرو میں جمعہ کی سہ پہر مسافر طیارہ ٹیک آف کے دوران آگ لگنے فائر انجن سے ٹکرا گیا، حادثہ میں دو افراد ہلاک ہوگئے۔مقامی حکام کے مطابق پیرو میں لاتم ایئر لائنز کا ایک مسافر طیارہ دارالحکومت لیما کے جارج شاویز انٹرنیشنل ایئرپورٹ سے ٹیک آف کرنے کی کوشش کے دوران حادثہ کا شکار ہوا۔طیارے میں 102 مسافر سوار تھے جن میں سے بعض معمولی زخمی ہوگئے جن میں عملے کے چھ افراد بھی شامل تھے۔ طیارہ ’’ائیر بس اے 320 نیو‘‘ کی طرز کا تھا اور پانچ سال پرانا تھا۔ اس کی 175 نشستیں تھیں۔ دوسری طرف فائر ڈپارٹمنٹ کا ٹرک تھا جو ایمرجنسی آپریشن دوسری طرف جاتے ہوئے رن وے عبور کر رہا تھا۔ اسے رن وے عبور کرنے کا اختیار نہیں تھا۔بہت سے مواصلاتی ویب سائٹس پر طیارہ کو پیش آنے والیحادثہ کے ویڈیو کلپس سامنے آگئے۔ ویڈیو میں نظر آیا کہ طیارہ تصادم کی وجہ سے دائیں جانب ہٹ گیا۔ رن وے پر تیز رفتاری سے آگے بڑھتے ہوئے اس کا دایاں پر جلنے لگا۔ پھر آگ بجھائے جانے سے قبل اس کا زیادہ تر ڈھانچہ تباہ ہوگیا۔ بعد ازاں کمپنی کی طرف سے ایک بیان جاری کیا گیا کہ طیارے میں کوئی موت واقع نہیں ہوئی ہے۔