اسٹالن نے جی ای ایرو اسپیس کے مینوفیکچرنگ سینٹر کا افتتاح کیا

چنئی، نومبر۔تمل ناڈو کے وزیر اعلی ایم کے اسٹالن نے منگل کو ہوائی جہاز کے انجن اور ٹیکنالوجی کی ترقی میں عالمی رہنما جی ای ایرو اسپیس اور تمل ناڈو انڈسٹریل ڈیولپمنٹ کارپوریشن لمیٹڈ (ٹی آئی ڈی سی او) کے ذریعہ قائم کردہ تمل ناڈو ایڈوانسڈ مینوفیکچرنگ سینٹر آف ایکسیلنس (ٹی اے ایم سی او) کا افتتاح کیا۔اس سنٹر کے قیام کی لاگت 141 کروڑ روپے ہے۔مسٹر اسٹالن نے ٹائیڈل پارک میں منعقدہ انڈسٹری 4.0 سمٹ میں ٹی اے ایم کے او آئی سمیت کئی سہولیات کا آغاز کیا۔اے ایم کے او آئی ہوائی جہاز کے انجن کے پرزوں جیسے کمپریسر ہیٹ ایکسچینجرز، کمبسٹر پرزوں، کیسنگز، فریموں، گیئرز اور اسپلائنز کی ٹیکنالوجی کی ترقی کے لیے کام کرے گا۔ یہ صنعت 4.0 کے لیے اضافی مینوفیکچرنگ (اے ایم) کے لیے پیش گوئی کرنے والے تجزیاتی حل کی ترقی کے منصوبوں کے لیے ذمہ دار ہوگا۔واضح رہے کہ میٹل ایڈیٹیو مینوفیکچرنگ ایک توسیع پذیر مینوفیکچرنگ ٹیکنالوجی ہے، جسے عالمی سطح پر کئی صنعتوں میں بڑے پیمانے پر اپنایا جا رہا ہے۔ اسے تھری ڈی پرنٹنگ کے نام سے بھی جانا جاتا ہے۔ایرو اسپیس، دفاع، صحت کی دیکھ بھال اور آٹوموٹیو جیسے شعبوں میں اے ایم اختراع کا آغاز کیا جا رہا ہے۔