میدویدیف، کرگیوس بہترین جیت کے ساتھ تیسرے راؤنڈ میں داخل

نیویارک، ستمبر۔ ٹاپ سیڈ ڈینیل میدویدیف اور آسٹریلیا کے نک کرگیوس یو ایس اوپن 2022 کے چوتھے راؤنڈ میں داخل ہو گئے ہیں جہاں وہ اپنے اپنے میچ جیتنے کے بعد آمنے سامنے ہوں گے۔ یو ایس اوپن 2021 کے فاتح میدویدیف نے ہفتے کی صبح تیسرے راؤنڈ میں چین کے وو یِبنگ کو اسٹریٹ سیٹس میں 6-4، 6-2، 6-2 سے شکست دی۔ چوتھے راؤنڈ میں پہنچنے تک میدویدیف نے اس ٹورنامنٹ میں کوئی سیٹ نہیں ہارا۔ چوتھے راؤنڈ میں میدویدیف کا مقابلہ کرگیوس سے ہوگا، جو تیسرے راؤنڈ میں امریکہ کے جیفری وولف کو 6-4، 6-2، 6-3 سے ہراکر آرہے ہیں۔ آسٹریلیائی کھلاڑی نے گزشتہ ماہ مونٹریال میں ہونے والے اے ٹی پی ماسٹرز 1000 ایونٹ میں میدویدیف کے خلاف تیسری جیت درج کی۔ میدویدیف فی الحال اے ٹی پی لائیو رینکنگ میں رافیل نڈال سے پیچھے ہیں اور اگر وہ کرگیوس سے ہار گئے تو ٹورنامنٹ کے بعد اپنا نمبر ایک کا تاج کھو دیں گے۔ یو ایس اوپن 2021 کے چیمپیئن نے کرگیوس کے ساتھ میچ کے بارے میں کہاکہ ہم نے زبردست میچ کھیلے ہیں۔ میرے خیال میں اسکور بورڈ پر ہر کوئی کافی مضبوط ہے۔ وہ اس وقت مجھ سے 3-1 سے آگے ہے، لیکن میں اس بار بہتر کرنے کی کوشش کروں گا اور لوگوں کو دیکھنے کے لیے یہ ایک اچھا میچ ہوگا۔ اس دوران ناروے کے کاسپر رڈ نے تیسرے راؤنڈ میں امریکہ کے ٹومی پال کو 7-6(3)، 6-7(5)، 7-6(2)، 5-7، 6-0 سے شکست دی۔ روڈے چوتھے راؤنڈ میں فرانس کے کورینٹن موٹیٹ کے خلاف کھیلیں گے۔