EU کے بہتر نگرانی کے فریم ورک سے نکلنا تاریخی لمحہ ہے، یونانی وزیر اعظم

ایتھنز،اگست۔ یونانی وزیر اعظم کیریاکوس میچوتاکیس نے کہا ہے کہ 12سال بعد یونانی حکومت کے اخراجات کی یورپی یونین کی نگرانی کا خاتمہ ایک تاریخی دن ہے۔ 20اگست، 2022، یونان اور تمام یونانیوں کے لیے ایک تاریخی دن ہے، ہمارا ملک EU کے بہتر نگرانی کے فریم ورک سے باہر نکل رہا ہے۔انہوں نے ایک ویڈیو خطاب میں کہاکہ ملک اب ایک نئیاور صاف افق کی طرف دیکھ سکتا ہے۔ ترقی، اتحاد اور سب کے لیے خوشحالی ، اس اقدام سے ایک 12 سال کا دور ختم ہوا جس نے شہریوں کو تکلیف دی تھی۔ اس نے معیشت میں جمود اور معاشرے میں تقسیم کو جنم دیا۔ انہوں نے مزید کہا کہ میمورنڈم میں ناقابل برداشت ٹیکس اور اجرتوں اور پنشن میں کٹوتی، بینک کنٹرول اور عوامی اثاثوں کو گروی رکھنے، قومی دفاع، عوامی تعلیم اور صحت کی تنزلی کے ساتھ ساتھ یورپ اور دنیا میں یونان کی پوزیشن کو پسماندہ کرنے کا نفاذ کیا گیا تھا۔ یاد رہے کہ 12سالہ دور یونان میں ’’معاشی اصلاحات ‘‘کے نام سے نہ بھولنے والا دورانیہ تھا،یونان حکومت یورپی کمیشن کے زیر نگرانی تھی جو 20اگست 2022کو اپنے خاتمے کو پہنچ گیا ہے۔