نڈال کینیڈین اوپن میں حصہ لینے کے لیے تیار ہیں

کینیڈا، جولائی۔ہسپانوی ٹینس لیجنڈ اور 22 گرینڈ سلیم سنگلز ٹائٹل جیتنے والے رافیل نڈال امکان ہے کہ وہ شمالی امریکہ کے ہارڈ کورٹس میں مقابلہ کریں گے، بشمول کینیڈین اوپن، کیونکہ انہوں نے 8 سے 14 اگست تک ہونے والے ٹورنامنٹ میں دلچسپی ظاہر کی ہے۔ ومبلڈن میں امریکہ کے ٹیلر فرٹز کے خلاف آخری آٹھ میں جیت کے دوران نڈال کو پیٹ میں تکلیف ہوئی اور وہ آسٹریلیا کے نک کرگیوس کے خلاف سیمی فائنل سے باہر ہو گئے۔ تاہم، ماہرین کا خیال ہے کہ 36 سالہ کھلاڑی سال کے آخری گرینڈ سلیم یو ایس اوپن کو چھوڑنے پر مجبور ہو سکتے ہیں۔ نڈال نے انکشاف کیا ہے کہ وہ عام کیلنڈر کے ساتھ آگے بڑھنے کے لیے 3–4 ہفتوں میں مکمل صحت یاب ہونے کی توقع رکھتے ہیں۔ ٹینس 365 کی ایک رپورٹ کے مطابق، کینیڈین اوپن ٹورنامنٹ کے ڈائریکٹر یوجین لاپیئر نے تصدیق کی ہے کہ سال کے پہلے دو گرینڈ سلیم، آسٹریلین اور فرنچ اوپن جیتنے والے ہسپانوی کھلاڑی کے اے ٹی پی ماسٹرز 1000 ایونٹ میں کھیلنے کی امید ہے۔