این ڈی اے کے تین اتحادی پارٹیوں نےیو سی سی کی حمایت کی

این ڈی اے کے تین اتحادیوں، تیلگو دیشم پارٹی، شندے کی قیادت والی شیو سینا، اور ہندوستانی عوام مورچہ نے یکساں سول کوڈ (یو سی سی) کی حمایت کا اظہار کیا ہے۔ دریں اثنا، بہار میں، جنتا دل (متحدہ) نے کہا کہ وہ ریاست میں یو سی سی کو لاگو نہیں ہونے دے گی۔درحقیقت، وزیر داخلہ امیت شاہ نے 13 ستمبر کو کہا تھا کہ 2029 کے لوک سبھا انتخابات سے قبل 21 بی جے پی-این ڈی اے کی حکومت والی ریاستوں میں یو سی سی کو لاگو کیا جائے گا۔
اس وقت این ڈی اے 22 ریاستوں میں اقتدار میں ہے۔ ان میں سے، یو سی سی کو اتراکھنڈ میں جنوری 2025 سے لاگو کیا گیا ہے، یعنی باقی 21 ریاستوں میں اسے نافذ کرنے کا ہدف ہے۔ یو سی سی بل گجرات، آسام اور مدھیہ پردیش میں منظور کیا گیا ہے۔یہ ریاستیں اب صدر کی منظوری اور نوٹیفکیشن کی منتظر ہیں۔ مہاراشٹر، مغربی بنگال، اور چھتیس گڑھ نے یو سی سی قانون سازی کا مسودہ تیار کرنے کے لیے کمیٹیاں تشکیل دی ہیں۔ٹی ڈی پی لیڈر لاو کرشنا دیورائیلو نے لوک سبھا میں کہا کہ پارٹی یو سی سی کی حمایت کرے گی۔ انہوں نے کہا کہ اس پر عمل درآمد سے قبل تمام متعلقہ فریقوں سے مشاورت کی جائے گی۔ فی الحال اس مسئلے پر کوئی بات چیت نہیں ہوئی ہے۔ٹی ڈی پی اور جے ڈی یو نے پہلے یو سی سی سے متعلق قانون سازی کی مخالفت کی ہے۔ 2024 کے لوک سبھا انتخابات کے بعد ٹی ڈی پی کے این ڈی اے میں شامل ہونے سے پہلے چندرا بابو نائیڈو نے کہا تھا کہ پارٹی یو سی سی کے مسئلہ پر مسلم کمیونٹی کے ساتھ کھڑی ہوگی۔
جے ڈی یو لیڈر شیام رجک نے کہا کہ پارٹی قومی سطح پر یو سی سی کی حمایت کرتی ہے، لیکن بہار میں اس کے نفاذ کی اجازت نہیں دے گی۔ انہوں نے کہا کہ جے ڈی یو اپنے موقف پر قائم ہے۔ جے ڈی یو لیڈر سنجے جھا اس معاملے کو لے کر امت شاہ سے ملاقات کریں گے۔دریں اثنا، بنگال بی جے پی کے صدر شمک بھٹاچاریہ نے کہا کہ ریاست میں یو سی سی کو لاگو کرنے کا عمل جلد شروع ہو جائے گا۔ تاہم، بی جے پی کی اتحادی این سی پی آئی نے ابھی تک اس پر کوئی فیصلہ نہیں کیا ہے اور کہا ہے کہ وہ تجویز پیش کیے جانے کے بعد اس پر بات کریں گے۔