رسول اللہؐ کی امّت کے بہترین لوگ وہ ہیں جن کے اخلاق اچّھے ہیں:قاری محمّد صدّیق

لکھنؤ 19 اگست(نمائندہ) شہر کی تاریخی ایکمنارہ مسجد اکبری گیٹ میں مرکزی جمعۃالحفّاظ کی جانب سے ہونے والے بارہ روزہ نبئ آخر الزّماںؐ کا پانچواں جلسہ استاذ الحفّاظ حافظ عبدالرّشید صاحب صدر مرکزی جمعۃالحفّاظ کی سر پر ستی وقاری محمد حزقیل امام مسجد ایکمنارہ کی نگرانی وسیّد محمّد اقبال کے زیر انتظام منعقد ہوا جس کا آغاز مدرسہ عالیہ فرقانیہ چوک کے قاری محمّد علی وقاری محمد حنظلہ کی تلاوت قرآن پاک سے ہوا۔ جلسے کو خطاب کرتے ہوئے ادارۂ دارالمبلّغین پاٹانالہ چوک کےسینئر استاذ مولانا قاری محمد صدّیق صاحب امام و خطیب مسجد سبحانیہ پاٹانالہ نے کہا کہ نبئ آخر الزّماں حضرت محمد مصطفٰی ﷺ کی امّت کے بہترین لوگ وہ ہیں جن کے اخلاق اچّھے ہیں۔ رسولؐ نے اپنی تعلیم میں ایمان کے بعد جن چیزوں پر زور دیا ہے اور انسان کی سعادت کو ان پر موقوف بتایا ہے۔ ان میں سے ایک یہ بھی ہے کہ آدمی اخلاق حسنہ اختیار کر ے اور برے اخلاق سے اپنی حفاظت کرے۔ قاری محمّد صدّیق صاحب نے کہا کہ انسان کی زندگی اور اس کے نتائج میں اخلاق کی بڑی اہمّیت ہے۔ اگر انسان کے اخلاق اچّھے ہیں تو اس کی زندگی بھی قلبی سکون اور خوش گواری کے ساتھ گزرے گی اور دوسروں کے لئے بھی اس کا وجود رحمت اور چین سے ہوگا اور اگر اس کے بر عکس آدمی کے اخلاق برے ہوں تو خود بھی وہ زندگی کے لطف و مسرّت سے محروم رھے گا اور جن سے اس کا تعلّق ھوگا ان کی زندگیاں بھی بے مزہ اور تلخ ہونگی قاری صاحب موصوف نے کہا کہ آخرت میں خوش اخلاقی کا نتیجہ رضاء الٰہی اور جنّت ھے اور بد اخلاقی کا انجام خدا وند قھّار کا غضب اور دوزخ کی آگ ھے ایک موقع پر رسول اللہؐ نے فرمایا کہ قیامت کے دن مؤمن کی میزان عمل میں سب سے زیادہ وزنی چیز جو رکھی جائگی وہ اس کے اچھّے اخلاق ہو نگے شعراء کرام جناب محمد حذیفہ یامین= قاری محمّدطہ قاری محمّدوصفی=مدرسہ عالیہ فرقانیہ کے طلباء نے نعت ومدح صحابہ کا منظوم نذرانۂ عقیدت پیش کیا۔ جلسے میں محمّد معروف خاں گہنہ پیلس =، عیاض احمد صدّیقی ،ذیشان جویلرس، محمّد ابوبکر ودیگر معزّزین موجود تھے = جلسے کا اختتام قاری محمّد صدّیق صاحب کی دعا پر ھوا