مودی نے کیرالہ میں 3,200 کروڑ روپے کے پروجیکٹوں کا سنگ بنیاد رکھا
ترواننت پورم، اپریل۔وزیر اعظم نریندر مودی نے منگل کو یہاں 3,200 کروڑ روپے سے زیادہ کے مختلف ترقیاتی پروجیکٹوں کا سنگ بنیاد رکھا اور انہیں قوم کے نام وقف کیا۔مسٹر مودی نے سینٹرل اسٹیڈیم میں ان پروجیکٹوں کا سنگ بنیاد رکھا۔ ان پروجیکٹوں میں کوچی واٹر میٹرو کا قوم کو وقف کرنا، مختلف ریل پروجیکٹس اور ترواننت پورم میں ڈیجیٹل سائنس پارک کا سنگ بنیاد رکھنا شامل ہے۔اس سے پہلے دن میں، وزیر اعظم نے ترواننت پورم اور کاسرگوڈ کے درمیان کیرالہ کی پہلی وندے بھارت ایکسپریس کو ہری جھنڈی دکھائی۔ اجتماع سے خطاب کرتے ہوئے، انہوں نے سب سے پہلے ویشو پر لوگوں کو مبارکباد دی اور کہا کہ کیرالہ کی ترقی اور کنیکٹیویٹی سے متعلق مختلف پروجیکٹ آج شروع کیے گئے، جن میں ریاست کی پہلی وندے بھارت ایکسپریس، کوچی کی پہلی واٹر میٹرو اور کئی ریلوے ترقیاتی پروجیکٹ شامل ہیں۔کیرالہ کی تعلیم اور بیداری کی سطح پر تبصرہ کرتے ہوئے انہوں نے کہا کہ یہاں کے لوگوں کی محنت اور عاجزی انہیں ایک منفرد پہچان دیتی ہے۔ کیرالہ کے لوگ عالمی منظر نامے کو سمجھنے کے قابل ہیں اور وہ اس بات کی تعریف کر سکتے ہیں کہ کس طرح مشکل وقت کے درمیان ہندوستان کو ترقی کی ایک متحرک جگہ سمجھا جا رہا ہے اور ہندوستان کی ترقی کے وعدے کو عالمی سطح پر تسلیم کیا جا رہا ہے۔وزیر اعظم نے ہندوستان کے تئیں دنیا کے اعتماد کا سہرا ملک کی فلاح و بہبود کے لئے فوری اور پختہ فیصلے لینے والی مرکز میں فیصلہ کن حکومت کی حکمرانی، ہندوستان کے بنیادی ڈھانچے کو مضبوط اور جدید بنانے کے لئے کی گئی بے مثال سرمایہ کاری، نوجوانوں کو ہنر مند بنانے کے لئے کی گئی سرمایہ کاری اور اس کے عزم کو سہرا دیا۔ از آف لونگ، اور از آف ڈوئنگ بزنس کے تئیں مرکزی حکومت کے عزم کا اعادہ کیا ۔مسٹر مودی نے کہا کہ حکومت تعاون پر مبنی وفاقیت پر توجہ مرکوز کرتی ہے اور ریاستوں کی ترقی کو ملک کی ترقی کے طور پر دیکھتی ہے۔ انہوں نے کہا، "ہم خدمت پر مبنی نقطہ نظر کے ساتھ کام کر رہے ہیں۔ ملک اسی وقت تیز رفتاری سے ترقی کر سکتا ہے جب کیرالا آگے بڑھے گا۔ وزیر اعظم نے کہا کہ ملک کے بڑھتے قد کی ایک وجہ مرکزی حکومت کی رسائی کی کوششیں ہیں، جس سے بیرون ملک رہنے والے کیرالی باشندوں کو فائدہ پہنچا ہے۔ انہوں نے کہا کہ ہندوستان کی بڑھتی ہوئی طاقت بیرون ملک مقیم ہندوستانیوں کی بہت مدد کر رہی ہے۔انہوں نے کہا کہ گزشتہ نو سالوں میں کنیکٹیویٹی انفراسٹرکچر پر کام بے مثال رفتار اور پیمانے پر کیا گیا ہے۔ انہوں نے بتایا کہ اس سال کے بجٹ میں بھی انفراسٹرکچر پر 10 لاکھ کروڑ روپے سے زیادہ خرچ کرنے کی تجویز ہے۔ انہوں نے کہا، "ملک میں پبلک ٹرانسپورٹ اور لاجسٹکس کا شعبہ مکمل تبدیلی سے گزر رہا ہے۔ ہم ہندوستانی ریلوے کے سنہری دور کی طرف بڑھ رہے ہیں۔ 2014 سے پہلے ریلوے کا اوسط بجٹ اب پانچ گنا بڑھ چکا ہے۔
