اطالوی وزیر اعظم جارجیا میلونی ہندوستان کے دو روزہ سرکاری دورے پر ہیں
نئی دہلی، مارچ ۔ اٹلی کی وزیر اعظم جارجیا میلونی دو روزہ سرکاری دورے پر جمعرات کی صبح یہاں پہنچیں۔محترمہ میلونی 8ویں رائسینا ڈائیلاگ کی مہمان خصوصی اور کلیدی مقرر ہوں گی۔ ایک ٹویٹ میں وزارت خارجہ کے ترجمان ارندم باگچی نے کہا، ہندوستان-اٹلی کے تعلقات میں مزید رفتاردینا۔ اٹلی کی وزیر اعظم سرکاری دورے پر نئی دہلی پہنچ گئیں۔ وزیر مملکت برائے خارجہ امور نے وزیراعظم میلونی کا ایئرپورٹ پر استقبال کیا۔یہ دورہ ہمارے سفارتی تعلقات کے قیام کے 75 سال مکمل ہونے کے موقع پر ہے۔ وزیر اعظم میلونی رئیسنا ڈائیلاگ 2023 میں مہمان خصوصی اور کلیدی مقرر بھی ہوں گی۔ گزشتہ سال اکتوبر میں اقتدار میں آئیں محترمہ میلونی کے ساتھ نائب وزیراعظم اور وزیر خارجہ انٹونیو تاجن اور ایک اعلیٰ سطحی تجارتی وفد بھی آیا ہے۔ اٹلی کے وزیر اعظم کا آخری دورہ ہندوستان اکتوبر 2018 میں ہوا تھا۔ سرکاری معلومات کے مطابق وزیر اعظم میلونی کا راشٹرپتی بھون کے صحن میں ایک رسمی استقبال کیا جائے گا۔ وزیر اعظم نریندر مودی اور محترمہ میلونی دو طرفہ، علاقائی اور عالمی مسائل پر تبادلہ خیال کریں گے۔ وزیر خارجہ ایس جے شنکر محترمہ میلونی سے ملاقات کریں گے۔ 2 مارچ کی سہ پہر صدر دروپدی مرمو سے ملاقات کریں گی۔ ہندوستان اور اٹلی اس سال سفارتی تعلقات کے قیام کے 75 سال کا جشن منا رہے ہیں۔ کثیر جہتی دوطرفہ تعلقات مشترکہ ثقافتی اقدار، اقتصادی ترقی کو فروغ دینے کے عزم، سبز توانائی، سائنس اور ٹیکنالوجی، دفاع اور علاقائی اور عالمی امور میں تعاون پر مبنی ہیں۔ دونوں ممالک مختلف کثیرالجہتی فورمز پر بھی قریبی تعاون کرتے رہے ہیں۔ دورے کے دوران، مارچ کو نائب وزیر اعظم اور خارجی امور اور بین الاقوامی تعاون کے وزیر انتونیو تاجانی اور وزیر تجارت و صنعت پیوش گوئل کی مشترکہ صدارت میں ایک کاروباری گول میز منعقد کی جائے گی۔ بیان میں کہا گیا ہے کہ وزیر اعظم میلونی کے دورے سے ہندوستان اور اٹلی کے درمیان دیرینہ تعلقات کے مزید مضبوط اور گہرا ہونے کی امید ہے۔ دونوں فریق نومبر 2020 کے سربراہی اجلاس کے اہم نتائج پر پیش رفت کا جائزہ لیں گے، سیکورٹی اور دفاعی تعاون کو مضبوط کریں گے، قریبی اقتصادی تعلقات کے لیے کام کریں گے، ٹیلنٹ کی نقل و حرکت کے مواقع میں اضافہ کریں گے اور سائنس اور ٹیکنالوجی میں جاری تعاون کے لیے اسٹریٹجک رہنمائی فراہم کریں گے۔محترمہ میلونی (45) اٹلی کی پہلی خاتون وزیر اعظم ہیں۔
