کابل میں ایئرپورٹ کے قریب دھماکہ، متعدد افراد ہلاک و زخمی

کابل ،جنوری۔افغانستان میں العربیہ اور الحدث کے نامہ نگاروں نے اتوار کی صبح خبر دی ہے کہ کابل شہر سے ایک زوردار دھماکے کی آواز سنی گئی۔دارالحکومت کے رہائشیوں نے دھماکے کی جگہ کا تعین کابل کے ہوائی اڈے سے 80 میٹر کے فاصلے پر کیا، یہ وہ گلی ہے جہاں وزارت داخلہ کا ہیڈکوارٹر واقع ہے۔طالبان کی وزارت داخلہ کے ترجمان عبدالنافی تکور نے العربیہ اور الحدث کو بتایا کہ آج صبح فوجی ہوائی اڈے کے داخلی دروازے پر ایک دھماکہ ہوا جس میں متعدد افراد ہلاک اور زخمی ہوئے، انہوں نے زور دے کر کہا کہ واقعے کی تحقیقات جاری ہیں۔قبل ازیں افغان میڈیا نے افغان وزارت داخلہ کے حوالے سے تصدیق کرتے ہوئے کہا تھا کہ دھماکہ کابل ایئرپورٹ کے قریب ہوا۔