تلنگانہ کی گورنر نے واجپئی کو 98ویں یوم پیدائش پر یاد کیا

حیدرآباد، دسمبر۔تلنگانہ کی گورنر ڈاکٹر تمیلی سائی سوندراراجن نے سابق وزیراعظم واجپئی کو ان کی 98ویں یوم پیدائش پر یاد کیا۔انہوں نے اس خصوص میں کئے گئے ٹوئیٹ میں کہا کہ واجپئی کی یوم پیدائش کے موقع پر بہتر حکمرانی کا دن منایاجارہا ہے۔سابق نائب صدرجمہوریہ وینکیانائیڈو نے شاعر، سیاستداں، مقرر، دوراندیش شخصیت کے طورپر واجپئی کی خدمات کویاد کیا۔انہوں نے کہاکہ اٹل جی ایک دوراندیش مصلح تھے جنہوں نے ملک کی ہمہ گیر ترقی کی تھی۔مرکزی وزیرکشن ریڈی نے بھی ٹوئیٹ کرتے ہوئے ان کو یاد کیا۔