ولی عہد کی جنوبی کوریا کے وزیراعظم سے ملاقات میں سبز پینٹنگ اور ہرن کی کہانی کیا ہے؟

ریاض/سیول،نومبر۔سعودی عرب کے ولی عہد شہزادہ محمد بن سلمان بن عبدالعزیز اور جنوبی کوریا کے وزیر اعظم ہان ڈوک سو کے درمیان ہونے والی ملاقات کے ارد گرد کوریائی افسانوں کی واضح علامت اور مفہوم کے ساتھ ایک دیوار دکھائی دی۔یہ ایک پینٹنگ تھی جس میں ہرنوں سبز درختوں کے درمیان گھرے ہوئے دکھایا گیا ہے۔ ایسا لگتا ہے کہ اس کے مفہوم اور معنی ہیں جو ولی عہد شہزادہ محمد بن سلمان کی ملاقات اور اس ملاقات کی مثبت توانائی کو مجسم کرتے ہیں۔قابل ذکر ہے کہ سرمایہ کاری کے وزیر خالد الفالح نے آج جمعرات کو سعودی ولی عہد شہزادہ محمد بن سلمان کے دورہ جنوبی کوریا کے دوران 29 ارب ڈالر کے 26 معاہدوں پر دستخط کرنے کا اعلان کیا۔الفالح نے زور دے کر کہا کہ شاہین پراجیکٹ، جس کے معاہدے پر آج دستخط ہو رہے ہیں کوریا میں سب سے بڑی غیر ملکی سرمایہ کاری ہے، جس کی مالیت 5 ارب ڈالر سے زیادہ ہے۔سعودی وزیر سرمایہ کاری نے کہا کہ پبلک انویسٹمنٹ فنڈ متعدد کوریائی کمپنیوں کے ساتھ متعدد معاہدوں پر دستخط کرے گا۔جنوبی کوریا کی خبر رساں ایجنسی نے کل بدھ کو ذرائع کے حوالے سے انکشاف کیا تھا کہ توقع ہے کہ سرکاری اور نجی شعبوں سے تعلق رکھنے والی 5 کمپنیاں سعودی پبلک انویسٹمنٹ فنڈ کے ساتھ ایک گرین ہائیڈروجن اور امونیا پروڈکشن پلانٹ کی تعمیر کے منصوبے میں تعاون کے لیے مفاہمت کی یادداشت دستخط کریں گے۔پانچ کمپنیوں میں کوریا الیکٹرک پاور کارپوریشن، کوریا پاور کارپوریشن، کوریا پیٹرولیم کارپوریشن، پوسکو اسٹیل کارپوریشن اور سام سنگ سی اینڈ ٹی شامل ہیں۔