برطانوی بادشاہ چارلس اور شہزادی ڈیانا کی شادی کا کیک نیلام کیا جائے گا

لندن ،اکتوبر۔ برطانیہ کے بادشاہ چارلس اور لیڈی ڈیانا کی شادی کا کیک نیلامی کے لیے پیش کیا جائے گا۔ میڈیا کے مطابق چار دہائیوں قبل ہونے والی برطانیہ کیاس وقت کے شہزادے اور موجودہ بادشاہ چارلس اورلیڈی ڈیانا کی شادی کا کیک نیلام کیا جائے گا،بادشاہ چارلس اور لیڈی ڈیانا کی شادی 1981میں ہوئی تھی جس میں 3ہزار سے زائد مہمانوں نے شرکت کی تھی، کیک کو نیلامی کیلئے پیش کرنے والے نائیجل رکیٹس شادی کے مہمانوں میں شامل تھے،شاہی خاندان کی سب سے مشہور شادی کا کیک ایک برطانوی آکشن ہاؤس کے ذریعے نیلام کیا جائے گا۔ نیلامی سے قبل کیک کے ٹکڑے کی ممکنہ قیمت کا اندازہ 300پاؤنڈز لگایا گیا ہے،کیک کے ٹکڑے کو اس کے اصل باکس میں محفوظ رکھا گیا ہے، بادشاہ چارلس اور ڈیانا کی شادی کے لیے سرکاری طور پر 23 کیک تیار کیے گئے تھے اورخیال کیا جا رہا ہے کہ نیلامی کیلئے پیش کیا جانے والا کیک کا ٹکڑا پانچ فٹ لمبے اور پانچ تہوں والے مرکزی کیک کا حصہ تھا۔ اس سے قبل 2014 میں ایک کیک کا ٹکڑا 1375 پاؤنڈز میں نیلام ہوا تھا۔