وزیر اعظم نے پونیت راجکمار کی فلم کے ٹریلر کی ریلیز پر نیک خواہشات کا اظہار کیا

نئی دہلی، اکتوبر۔وزیر اعظم نریندر مودی نے اتوار کو فلم گندھڑا گوڑی کے ٹریلر کی ریلیز پر پوری ٹیم کو مبارکباد دی۔ کنڑ اداکار پونیت راجکمار کی فلم ان کی برسی سے ایک دن قبل 28 اکتوبر کو ریلیز ہوگی۔وزیر اعظم مودی نے بھی ایک ٹویٹر پوسٹ میں اداکار کو یاد کیا۔ انہوں نے کہا کہ اپو (پنیت راجکمار) دنیا بھر میں لاکھوں لوگوں کے دلوں میں بستے ہیں۔ وہ باصلاحیت، توانائی سے بھرپور اور بے مثال صلاحیتوں کے مالک تھے۔ گندھڑ گوڑی مادر فطرت، کرناٹک کی قدرتی خوبصورتی اور ماحولیاتی تحفظ کو خراج تحسین ہے۔ اس کاوش کے لیے نیک خواہشات۔وزیر اعظم نے یہ ٹویٹ پونیت راجکمار کی اہلیہ اشونی پونیت راجکمار کے پوسٹ کو وزیر اعظم کے خصوصی ذکر کے ساتھ ریٹویٹ کرتے ہوئے کیا۔ اشونی پونیت راجکمار نے ٹویٹ کیا کہ نمستے نریندر مودی جی، آج ہمارے لیے جذباتی دن ہے۔ کیونکہ ہم گندھڑ گوڑی کا ٹریلر ریلیز کر رہے ہیں، جو اپو کے دل کے قریب ہے۔ اپو آپ کے ساتھ گفتگو کو ہمیشہ پسند کرتے تھے اور وہ ذاتی طور پر آپ کے ساتھ اس کا اشتراک کرنا پسند کرتے تھے۔انہوں نے کہا کہ اپو اب ہمارے درمیان نہیں ہیں، لیکن ان کی زندگی اور کام ہمیں واسودھیو کٹمبکم کی ثقافت کو اپنانے کی ترغیب اور طاقت دیتے ہیں۔جی جی موویز سنیما کا جشن مناتا ہے اور ہمار ی زمین کی بھرپور ورثہ، ثقافت، فطرت اور تنوع بھی ہمارے سامنے رکھتا ہے۔