حکومت کھیل اورکھلاڑیوں کی صلہ افزائی کررہی ہے

باغپت:ستمبر۔ اترپردیش کے وزیر اعلی یوگی آدتیہ ناتھ نے اتوار کو کہا کہ ان کی حکومت ریاست میں کھیل اور کھلاڑیوں کے لئے پوری طرح سے وقف اور ہر گاؤں میں اوپن جم اور کھیل کے میدان کا نظم کررہی ہے۔باغپت دورے پر پہنچے وزیر اعلی پولیس لائن کے ہیلی پیڈا پر اترنے کے بعد سب سے پہلے موی کلاں گاؤں کے کسان انٹر کالج پہنچے جہاں ضلع کے اہم کھلاڑیوں کے ساتھ انہوں نے تبادلہ خیال کیا۔ وزیر اعلی نے کہا کہ مرکز و ریاستی حکومت کھیل اورکھلاڑیوں کی پوری حوصلہ افزائی کررہے ہیں۔ خو دوزیر اعظم بین الاقوامی مقابلوں میں میڈل جیت کر آنے والے کھلاڑیوں سے ملاقات کر کے ان کی حوصلہ افزائی کررہے ہیں۔انہوں نے کہا کہ ریاستی حکومت ہر گاؤں میں اوپن جم اور کھیل کے میدان کا نظم کررہی ہے۔ باغپت کے کھلاڑیوں کی حصولیابیوں کی تعریف کرتے ہوئے انہوں نے کہا اس چھوٹے سے ضلع کے کھلاڑیوں نے محدود وسائل کے بعد بھی جو مقام حاصل کیا ہے وہ قابل تعریف ہے۔اس دوران شوٹر دادی پرکاشی تومر نے ضلع میں ایک قمی شوٹنگ رینج قائم کرنے کامطالبہ کیا تو شوٹنگ کوچ ڈاکٹر راج پال سنگھ نے اپنی زمین دینے کا بھی اعلان کردیا۔ بین الاقوامی تیز اندز مدھو ویدوان نے بھی ضلع میں آرچری کی رینج کھلے جانے کامطالبہ کیا۔پروگرام میں موجود عالمی کھلاڑیوں نے کہا کہ انہیں پریکٹس کے لئے ہریانہ جانا پڑتا ہے لہذا باغپت میں بھی اس کا نظم کیا جائے۔ان سبھی مطالبات پر وزیر اعلی نے کہا کہ حکومت کھلاڑیوں کے ساتھ ہے۔ اگر ضرورت پڑے گی تو 10۔10گاؤں کا کلسٹر بنا کر ملٹی اسپورٹس اسٹیڈیم بنائے جائیں گے۔