راجناتھ سنگھ تین روزہ دورے پرلکھنؤ پہنچے

لکھنؤ، اگست۔ وزیر دفاع اور لکھنؤ کے رکن پارلیمنٹ راج ناتھ سنگھ اپنے پارلیمانی حلقے کے تین روزہ دورے پر جمعہ کو یہاں پہنچیں گے۔بھارتیہ جنتا پارٹی (بی جے پی) لکھنؤ میٹروپولیٹن کے صدر مکیش شرما نے بتایا کہ وزیر دفاع شام 4:30 بجے یہاں واقع اموسی ہوائی اڈے پر پہنچیں گے۔ یہاں سے وہ لکھنؤ یونیورسٹی میں آنجہانی پرمیلا سریواستو میموریل فاؤنڈیشن اور سوشل ورک ڈپارٹمنٹ کے لیکچر پروگرام کے افتتاح میں براہ راست شرکت کریں گے۔ اس کے بعد وہ شام 6 بجے ہنومان سیتو مندر میں پوجا کرنے کے بعد دلکوشا میں واقع اپنی رہائش گاہ کے لیے روانہ ہوں گے۔ہفتہ کو وہ صبح 10 بجے اٹل بہاری واجپائی کنونشن سینٹر میں لکھنؤ میں تقریباً 158.16 کروڑ کی لاگت والے 155 پروجیکٹوں کا افتتاح اور سنگ بنیاد رکھیں گے۔ پروگرام کے بعد 12:40 بجے کوتوالیشور مہادیو مندر میں درشن اور پوجا کرنے کے بعد وہ دلکوشا میں اپنی رہائش گاہ جائیں گے۔4:30 بجے سنگھ بدھیشور مہادیو مندر، موہن روڈ کے صحن میں بھگوان پرشورام کی مورتی کی نقاب کشائی کریں گے۔ اس کے بعد شام 6:00 بجے نرالا نگر واقع ہوٹل ریگنینٹ میں وہ بلین ایسوسی ایشن کے زیر اہتمام اعزازی تقریب میں شرکت کریں گے۔ اس کے بعد وہ گومتی نگر میں آئی ایم آر ٹی بزنس اسکول کے زیر اہتمام بھجن سندھیا میں شرکت کریں گے۔اتوار کو سنگھ صبح 10:45 بجے ترلوکی ناتھ روڈ پر ریاست کے سابق وزیر اعلیٰ کلیان سنگھ کے مجسمے کی نقاب کشائی کریں گے۔ اس کے بعد وہ دن میں 11:30 بجے رویندرالیہ میں منعقدہ پروگرام کے دوران ہونہار طلباء کو نوازیں گے۔ پروگرام کے بعد وہ دوپہر 1:00 بجے دہلی کے لیے روانہ ہوں گے۔

Related Articles