برطانوی کتے نے بطخ کے 15 یتیم بچوں کو گود لے لیا

لندن،جولائی۔ برطانیہ میں ایک پالتو کتے نے بطخ کے 15 یتیم بچوں کو گود لے لیا۔غیر ملکی میڈیا رپورٹس کے مطابق برطانیہ کے علاقے ایسیکس میں فریڈ نامی پالتو کتے نے رحم دلی کا مظاہرہ کرتے ہوئے بطخ کے 15 یتیم بچوں کو گود لے کر سب کو حیران کردیا۔اطلاعات کے مطابق بطخ کے یہ بچے اس وقت بے سہارا ہوگئے جب ان کی ماں ایک رات کو ان کو اکیلا چھوڑ کر چلی گئی۔بعد ازاں فریڈ نے ان بچوں کو مشکل میں دیکھ کر ان کا خیال رکھنا شروع کردیا۔فریڈ کے مالک جیریمی گولڈ اسمتھ کا کہنا ہے کہ یہ پہلی بار نہیں کہ میرے پالتو کتے نے بطخ کے بچوں کو گود لیا ہو، اس سے قبل 2018 میں بھی ماں کے چھوڑ جانے پر فریڈ نے 9 بطخ کے بچوں کا خیال رکھا تھا۔رپورٹس کے مطابق اگرچہ فریڈ کے مالک اسے اور بطخ کے بچوں کو کھانا کھلاتے اور دیکھ بھال کرتے ہیں لیکن یہ پالتو کتا ان بچوں کو پیٹھ پر بٹھا کر سیر کرواتا اور ان کے ساتھ وقت گزارتا ہے۔توقع کی جارہی ہے کہ بطخ کے بچے اس وقت تک فریڈ کے ساتھ رہیں گے جب تک کہ وہ اتنے بڑے نہیں ہوجاتے کہ خود زندگی گزارنے کیلئے جدوجہد کرسکیں۔