شیوسینا میں سیاسی بحران کے لیے بی جے پی ذمہ دار نہیں: پاٹل

کولہاپور، جون۔مہاراشٹر بھارتیہ جنتا پارٹی کے صدر چندرکانت پاٹل نے جمعہ کو کہا کہ شیوسینا کے موجودہ بحران میں پارٹی کا کوئی کردار نہیں ہے۔پاٹل نے جمعہ کو نامہ نگاروں کو بتایا کہ باغی شیوسینا لیڈر ایکناتھ شندے کی طرف سے بی جے پی کے ساتھ حکومت بنانے کی کوئی تجویز نہیں ہے۔اگر ایسی کوئی تجویز آتی ہے تو ریاستی پارٹی کی 13 رکنی ورکنگ کمیٹی اس پر بحث کرے گی اور اسے منظوری کے لیے ہائی کمان کو بھیجے گی۔ جب سابق وزیر اعلی دیویندر فڑنویس سے پچھلے تین دنوں میں کئی بار دہلی آنے کے بارے میں پوچھا گیا تو انہوں نے کہا، "وہ پارٹی کے کام کے لیے جاتے ہیں، ریاست میں چل رہی سیاست سے ان کا کوئی لینا دینا نہیں ہے۔ ,

Related Articles