ٹیسٹ کرکٹ کا بورنگ نہ ہونا بہت ضروری : چیپل

میلبورن، مارچ۔ آسٹریلیا کے سابق کپتان اور اب کمنٹیٹر ایان چیپل کا خیال ہے کہ ٹیسٹ کرکٹ ایک سنگین چیلنجنگ فارمیٹ ہے اور اس کھیل کو بہتربنانے کے لئے اسے سنجیدہ مشاورت کی ضرورت ہے۔پانچ دنوں کے ٹیسٹ کے لئے پہلی اننگ میں بڑا اسکور، یاپھر حد سے زیادہ یک طرفہ میچ مثالی نہیں ہیں۔ پاکستان اور آسٹریلیا کے درمیان کھیلے گئے پہلے ٹیسٹ کے لیے راولپنڈی کی پچ کو سابق کپتان اسٹیون اسمتھ نے بے جان اور مفلوج قرار دیاتھا۔چیپل نے کرک انفو پر اپنے کالم میں کہا کہ ٹیسٹ کرکٹ صرف شماریاتی مشق نہیں ہے اور زیادہ تر کھیلوں میں بلے اور گیند کے درمیان اچھا مقابلہ ہونا چاہیے۔ ایسی صورتحال میں کرکٹ کی دنیا کے منتظمین کا بنیادی کام اس بات کو یقینی بنانا ہے کہ اس کھیل کے قانون/ضوابط اس مقابلے کے لیے سازگار ماحول فراہم کریں۔انہوں نے کہا، "لمبے کھیلوں میں شرکا کو پہلی گیند سے جیتنے کا جذبہ درکار ہوتا ہے۔ اگر کسی ٹیم کو بالآخر پتہ چلتا ہے کہ وہ جیت حاصل نہیں کرسکتی، تو اس کوڈراکے لئے کھیل کو آگے بڑھانا قابل قبول ہے۔ گزشتہ کچھ برسوں میں ڈرا ہوئے کچھ سنسنی خیز ٹیسٹ کے نتیجے میں آخری چند اوورز میں شدید لڑائی اور دلچسپ جدوجہد ہوئی ہے۔چیپل نے کہا، ’’میں ایسا نہیں ہوں جو یہ مانتا ہے کہ گھریلو ٹیم کو ایسی پچیں بنانی چاہیے جومطلوبہ نتیجہ حاصل کرنے میں معاون ہوں۔ بہترین پچیں بغیر کسی بیرونی مداخلت کے گراونڈس مین کے ذریعہ تیارکی جاتی ہیں اورپھر یہ ٹیموں پرمنحصر ہے کہ وہ ایک اچھا مقابلہ فراہم کریں۔ پچ کی سطح کوئی بھی ہو، کسی بھی ٹیم کے ٹاس جیتنے کی گارنٹی نہیں ہوتی ہے۔چیپل نے اپنے کالم میں کہا، "ٹیسٹ ٹیموں کو اچھی طرح سے متوازن سائیڈز کو منتخب کرنے کی کوشش کرنی چاہیے، اور مثالی طور پر اس میں اچھی سوئنگ اور کلائی کی اسپن بولنگ کو لازمی شامل کرناچاہیے۔” دونوں تقاضے ٹیسٹ کرکٹ کا ایک خوشگوار حصہ ہیں۔ کسی بھی میچ کو جیتنے کے موقع کے علاوہ، یہ انتہائی ضروری ہے کہ تمام اہل ٹیموں کا ایک قابل قبول معیار برقرار رکھناچاہیے۔ نیز ان ٹیموں کا انفراسٹرکچر بھی اچھے معیار کا ہونا چاہیے۔ مستقبل کے دورے کے پروگرام میں توازن اور مقابلے کی عکاسی کرنی ہوگی اور امید ہے کہ اس سے ورلڈ ٹیسٹ چیمپئن شپ مقابلہ مزید بامعنی ہوگا۔انہوں نے کہا، "ہندوستان کے معاملے میں، ٹیم تمام شعبوں میں مسابقتی ہے، اور جہاں ان کی پچیں اچھے اسپنرز کی حوصلہ افزائی کرتی ہیں، وہیں وہ نتائج بھی فراہم کرتی ہیں۔ اچھی اسپن بولنگ کرنا کوئی غیر ملکی فن نہیں ہونا چاہیے۔ اگر متعدد ٹیمیں اسپن گیندبازی کو بہتر طریقے سے کھیلتی ہیں، تو وہ ہندوستان میں زیادہ مسابقتی ہوتیں اور وہ پچیں اس قدر درد سر ثابت نہیں ہوتیں۔ یہ دیکھنا بھی پریشان کن ہے کہ کس طرح بہت سے ممالک میں اسپن بولنگ کا معیار بہت نیچے آگیا ہے۔ بہت سی ٹیموں کی ذہنیت اچھے اسپن باؤلرز پیدا کرنے سے ہٹ کرریورس سوئنگ کی سخت تلاش کی طرف منتقل ہو گئی ہے۔ اس کے نتیجے میں، کچھ درمیانے درجے کے تیز گیند باز کو ٹیسٹ میں اس بنیاد پر منتخب کیا گیا کہ وہ میچ میں پرانی گیند کو سوئنگ کر اسکتے ہیں۔چیپل نے کہا، "ٹیسٹ ٹیموں کو اچھی طرح سے متوازن سائیڈز کو منتخب کرنے کی کوشش کرنی چاہیے، اور مثالی طور پر اس میں اچھی سوئنگ اور کلائی کی اسپن بولنگ شامل ہونی چاہیے۔ دونوں تقاضے ٹیسٹ کرکٹ کا خوشگوار حصہ ہیں۔ اس توازن کو حاصل کرنے کے لیے اسپن بولنگ پر ایک مضبوط اور دوررس کوچنگ کی ضرورت ہوگی۔ اس میں کوچنگ ٹیم کو سمجھنا ہوگا کہ کیسے اچھے اسپن بولرز کو استعمال کیا جائے اور کیسے اچھے اسپن گیندبازوں کو بنایا جائے۔انہوں نے ، ’’اگر مضبوط کپتانوں کی سطح اچھی ہے تو یہ ایک دلچسپ مقابلہ ہو سکتا ہے۔ یہ دنیا بھر کے منتظمین کا مقصد ہونا چاہیے، اوراگروہ اس فارمیٹ کے مستقبل کے بارے میں سنجیدہ ہیں تو ٹیسٹ کرکٹ کی حوصلہ افزائی کی ضرورت ہے۔ ایک ٹیسٹ میچ تبھی تسلی بخش ہوتا ہے جب وہ مسابقتی ہو۔ اکیسویں صدی کے کھلاڑی کرکٹ کے اس فارمیٹ میں حصہ لینے اور اس کے سنسنی سے لطف اندوز ہونے کے موقع کے مستحق ہیں۔ تاہم اس فارمیٹ میں بوریت کی مدت کو کم کرنے کے لیے غور کرنے کی ضرورت ہے۔