اپنی صلاحیت اور توانائی سے جمہوریت کو مضبوط بنانے میں تعاون دیں نوجوان:برلا

نئی دہلی، مارچ ۔ لوک سبھا اسپیکر اوم برلا نے کہا ہے کہ نوجوانوں کو اپنی صلاحیت اور توانائی سے ترقی ،جمہوریت اور جمہوری اداروں کو مضبوط کرنے میں تعاون دینا چاہئے۔مسٹر برلا نے جمعرات کو یہاں پارلیمنٹ ہاؤس میں تیسرے نیشنل یوتھ پارلیمنٹ فیسٹیول (این وائی پی ایف) کے اختتامی اجلاس میں حصہ لینے والوں سے خطاب کرتے ہوئے کہا کہ نوجوانوں کو قومی کے تئیں اپنے فرائض پر عمل کرنا چاہئے اور ہندوستان کو خود کفیل بنانے کے عزم کےلئے انفرادی اور اجتماعی طورپر کام کرناچاہئے۔انہوں نے کہا کہ نوجوانوں کی ہر کوشش مین ’نیشن فرسٹ‘ کا جذبہ ہونا چاہئے۔مسٹر برلا نے کہا کہ پوری دنیا میں تیزی سے تبدیلی ہورہی ہے ۔نوجوانوں کو ان تبدیلیوں کے مطابق خود ڈھالنا چاہئے تاکہ بدلتے حالات کے مطابق وہ خود کو تیار کرسکیں اور ملک کو بھی آْگے لے جا سکیں۔انہوں نے مقننہ میں وقار اور سجاوٹ کے فقدان پر تشویش کا اظہار کرتے ہوئے کہا، ’’مقننہ بحث و مباحثہ کا فورم ہے، خلل ڈالنے کا نہیں، بلوں پر جامع بحث ہونی چاہیے تاکہ تمام طبقات کی امیدیں اور خواہشات پوری ہو سکیں۔ معاشرے کی عکاسی قوانین اور قانون سازی سے ہوتی ہے۔‘‘ صدر اور گورنر کے خطاب کے دوران رکاوٹیں پارلیمانی روایت کے مطابق نہیں ہیں، عوامی نمائندوں کو ایوانوں کے وقار اور سجاوٹ کو بڑھانے کے لیے تندہی سے کام کرنا چاہیے، نوجوان اپنے نمائندوں کے ساتھ مل کر کام کریں۔ اس معاملے پر مذاکرات کو اہم کردار ادا کرنا چاہیے۔‘‘اس موقع پر مسٹر برلا نے تیسرے نیشنل یوتھ پارلیمنٹ فیسٹیول کے فاتحین کو ایوارڈ مہیا کئے اور سبھی حصہ لینے والوں کو اپنی مبارکباد دیں۔اس پروگرام میں اطلاعات و نشریات اور نوجوانوں کے امور اورکھیلوں کے وزیر،انوراگ سنگھ ٹھاکر نوجوانوں کے امور اور کھیل کے وزیر مملکت نیسیتھ پرمانک بھی موجود تھے۔نوجوانوں کے امور اور کھیل کی وزارت اور لوک سبھا سکریٹریٹ کے پارلیمانی جمہوریت تحقیق اور تربیتی ادارے کے ذریعہ منعقد تیسرے قومی یوتھ پارلیمنٹ فیسٹیول کا افتتاح دس مارچ کو پارلیمنٹ ہاؤس کے مرکزی ہال میں کیا گیا تھا۔