واٹس ایپ کی جانب سے لینگویج پالیسی تبدیل

ہیلی فیکس،فروری۔واٹس ایپ انتظامیہ نے اپنی زبان کی پالیسی میں تبدیلی کی ہے اور 60سے زیادہ زبانوں کو اینڈرائیڈ پراور40کو آئی او ایس پر مربوط کیا ہے۔دنیا بھر میں رابطوں کیلئے واٹس ایپ سب سے مقبول پلیٹ فارم ہے اور ہر وہ شخص جو اینڈرائیڈ فون رکھتا ہے تقریباً ناممکن ہے کہ وہ واٹس ایپ استعمال نہ کرتا ہو، دنیا کے بیشتر ممالک میں کروڑوں ایسے صارفین ہیں جو انگریزی نہیں جانتے تو آپ واٹس ایپ کا استعمال کرتے ہیں لیکن انگریزی سے نابلد ہیں تو کوئی فکر نہیں یہ طریقہ استعمال کرکے اپنی زبان میں واٹس ایپ سے مستفید ہوں۔ ایسے صارفین کیلئے واٹس ایپ انتظامیہ نے اپنی زبان کی پالیسی میں تبدیلی کی ہے اور 60سے زیادہ زبانوں کو اینڈرائیڈ پراور40کو آئی او ایس پر مربوط کیا ہے۔ واٹس ایپ جن بہت سی زبانوں کو سپورٹ کرتا ہے، ان میں سے بہت سی علاقائی زبانیں ہیں جو ہر 1000 کلومیٹر کے فرق میں ابھرتی ہیں، ان زبانوں میں ہندی، پنجابی، بنگالی، مراٹھی اور دیگر بہت سی زبانیں شامل ہیں لیکن یہاں آپ کو یہ واضح کرتے چلیں کہ واٹس ایپ صارفین کو واٹس ایپ سیٹنگ سے زبان کو تبدیل کرنے کی اجازت نہیں دیتا، لیکن آپ اپنے فون کی زبان تبدیل کر سکتے ہیں لیکن یہ تبدیلی صرف واٹس ایپ نہیں بلکہ دیگر ایپس پر بھی لاگو ہوگی۔تو اگر آپ اپنی زبان میں واٹس ایپ کا استعمال کرنا چاہتے ہیں اپنے واٹس ایپ اکاؤنٹ کو ذاتی نوعیت کا بنانا چاہتے ہیں اور اپنی رابطہ فہرست کے اندر اپنی پسند کی مقامی زبان میں بات چیت کرنا چاہتے ہیں تو اس کا طریقہ ہم آپ کو بتاتے ہیں۔سب سے پہلے فون کی سیٹنگز میں جائیں، پھر سسٹم کا انتخاب کریں، وہاں لینگویج اور ان پٹ پر ٹیپ کریں۔ورچوئل کی بورڈ منتخب کریں اور کی بورڈ (جی بورڈ یا پلے اسٹور سے کوئی دوسرا کی بورڈ) منتخب کریں۔اب واٹس ایپ کھولیں اور وہ کی بورڈ منتخب کریں جسے آپ مطلوبہ زبان کے ساتھ استعمال کرنا چاہتے ہیں۔ آپ زبان کے لحاظ سے کی بورڈ کے درمیان ٹوگل بھی کر سکتے ہیں۔ پلے اسٹور کھولیں اور کی بورڈ ڈاؤن لوڈ کریں جو اس زبان کو سپورٹ کرتا ہے جس میں آپ لکھنا چاہتے ہیں۔ڈاؤن لوڈ ہونے پر کنفیگریشن پاپ اپ میں کی بورڈ تک مکمل رسائی کی اجازت دیں۔واٹس ایپ لانچ کریں اور اپنی سہولت کے مطابق کی بورڈ کا انتخاب کریں۔ آپ گوگل ٹرانسلیٹ ایپ کی مدد لے سکتے ہیں اور جیسے ہی آپ ٹائپ کریں ٹیکسٹ کا ترجمہ کر سکتے ہیں۔بس گوگل ٹرانسلیٹ ایپ ڈاؤن لوڈ کریں > مینو > سیٹنگز > ترجمہ کرنے کے لیے ٹیپ کریں۔