بھارتی اداکارہ شاہد آفریدی کی ’نرس‘ بننے کی خواہشمند

ممبئی،فروری۔ بھارتی اداکارہ ماہیکا شرمانے پاکستانی آل راؤنڈر اور سابق کپتان شاہد آفریدی کی ’’نرس‘‘ بننے کی خواہش کا اظہار کیا ہے۔حال ہی میں ویلنٹائن ڈے کے موقع پر اداکارہ ماہیکا شرما نے ایک انٹرویو کے دوران اپنی خواہش کا اظہار کرتے ہوئے کہا کہ شاہد آفریدی وہ پہلے شخص تھے جنہیں وہ پسند کرتی تھیں۔اداکارہ نے انٹرویو کے دوران کہا مجھے شاہد آفریدی کے انجری کی وجہ سے پاکستان سپر لیگ کو خیرباد کہنے کے فیصلے نے بہت زیادہ افسردہ کردیا۔ یہی وجہ ہے کہ میں ان کی ’’نرس‘‘ بننا چاہتی ہوں۔ میری خواہش ہے کہ مجھے شاہد آفریدی کی نرس بننے کا موقع ملے، یہ ویلنٹائن ڈے ہے اور میرا پہلا پیار تکلیف میں ہے، یہ چیز مجھے اداس کررہی ہے۔واضح رہے کہ شاہد آفریدی نے دو روز قبل کمر میں درد کی وجہ سے پی ایس ایل 7 درمیان میں ہی چھوڑنے کا اعلان کیا تھا۔ وہ اس بار کوئٹہ گلیڈی ایٹرز کی نمائندگی کررہے تھے۔انہوں نے پی ایس ایل 7 چھوڑنے کا اعلان کرتے ہوئے کہا تھا میری پوری کوشش تھی کہ پی ایس ایل کو اچھے انداز میں ختم کروں لیکن میری کمر کے نچلے حصے کی انجری 15 سال پرانی ہے اور میں اسی انجری کے ساتھ کھیلتا رہا ہوں مگر اب یہ اس حد بڑھ گئی ہے کہ گھٹنوں سے پاؤں کی انگلیوں تک بہت زیادہ درد ہوتا ہے۔اگر بات کریں بھارتی اداکارہ ماہیکا شرما کی تو وہ بھارتی ٹی وی کے شو ’’ایف آئی آر‘‘ اور ’’رامائن‘‘ میں کام کرچکی ہیں۔ اس کے علاوہ وہ ’’چلو دلی‘‘ اور ’’مردانی‘‘ سمیت کئی فلموں میں بھی اداکاری کرچکی ہیں۔ اس کے علاوہ وہ مقابلہ حسن جیت کر مس ٹین نارتھ ایسٹ بھی رہ چکی ہیں۔