بالی ووڈ اداکارہ یوگیتابالی گمنامی کے اندھیرے میں

ممبئی،  بالی وڈ میں اپنے فلمی کیریئر کے دوران امیتابھ کے ساتھ ڈیبیو کرنے ، کشور کمار اور پھر متھن چکر ورتی کے ساتھ شادی کرنے والی ہیروئن یوگتا بالی آج گمنامی کے اندھیرے میں کھو گئی ہیں۔
انہوں امیتابھ بچن، راجیش کھنہ، دیو آنند سے لے کر سنیل دت کے ساتھ فلموں میں کام کرنے والی یہ ہیروئن آج فلمی دنیا سے دور ہو گئی ہے۔ تبدیل وقت کے ساتھ بہت کچھ بدل جاتا ہے۔ کل کا ستارہ آج اندھیرے اور دل میں کھو جاتا ہے۔ بالی وڈ میں بھی ایسے ستاروں کی بھرمار ہے جو کبھی کامیابی کی بلندی پر کھڑے تھے تو آج بالی وڈ کی چمک – دمک اور گلیمرس زندگی سے دور ہو گئے ہیں۔ اسی کڑی میں ہیں یوگتا بالی۔
یوگتا بالی کی پیدائش ممبئی میں 13 اگست 1952کو ایک پنجابی خاندان میں ہوا تھا۔ شمّی کپور کی بیوی گیتا بالی کی بھانجی یوگتا بالی آج بھلے ہی سب سے کٹ گئی ہیں لیکن کبھی ان کا جلوہ تھا۔ جلوہ بھی ایسا کہ کشور کمار جیسے بڑے گلوکار بھی ان کے حسن میں گرفتار رہے، شادی ہوئی پھر طلاق بھی۔ اس کے بعد یوگتا بالی متھن چکر ورتی کے ساتھ اپنا گھر بسا کر فلمی دنیا سے دور ہو گئیں۔ تاہم، انہوں نے لیڈ رول کے بجائے سپورٹنگ رول میں ہی اپنی شناخت بنائی۔ یوگتا بالی کو ان فلموں میں سے زیادہ دیکھا گیا جنہیں ٹاپ کی ہیروئنوں نے انمیں کام کرنے سے انکار کر دیا تھا۔ اپنے کیریئر کے ابتدائی دور میں فلم ڈائریکٹرس نے یوگتا بالی سیکس سمبل کے طور پر ہی پیش کیا تھا۔ ان ابتدائی دور کی فلم ‘پروانہ’ (1971) آج اس یاد کی جاتی ہے کہ اس میں امیتابھ بچّن نے نگیٹو رول کیا تھا اس میں یوگتا کے ہیرو تھے نوین نشچل جس کا ایک گانا کافی مقبول ہوا تھا۔

اسی سال آئی فلم ‘میم ساب’ (1971) ایک سسپنس تھریلر تھی، جس میں یوگتا بالی کے ہیرو تھے ونود کھنہ۔ ‘سمجھوتہ’ (1973) میں ان کے ہیرو ابھرتے کلاکار انل دھون تھے، تو اسی سال ‘بنارسی بابو’ میں وہ سدا بہار دیو آنند کی ہیروئن کے طور پر نظر آئیں۔ اس میں دیوانند کاڈبل رول تھا اور دوسری ہیروئن تھیں راکھی۔ اس کے باوجود یوگتا بالی کے کیریئر کو کوئی خاص فائدہ نہیں ہوا۔ ‘ناگن’ (1976) میں فنکاروں کی بھیڑ میں وہ بھی تھیں، تو ‘چرترہین’ (سنجیو کمار – شرمیلا ٹیگور)، اجنبی ‘(راجیش کھنہ – زینت امان) میں انہوں نے چھوٹے رول کئے۔ ‘چچا بھتیجا’ (1977) میں انہیں رندھیر کپور تو وہیں ‘جنتا حولدار’ (1979) میں یوگتا بالی کو راجیش کھنہ کے ساتھ کام کرنے کا موقع ملا، لیکن اس وقت تک راجیش کھنہ کا دور دم توڑ رہا تھا یہی نہیں ان کا دور تقریبا ًختم ہی ہو چکا تھا کہنا زیادہ صحیح ہو گا۔
آر کے بینر کی ‘بیوی او بیوی’ (1981) میں یوگتا بالی کو سنجیو کمار کے ساتھ کامیڈی کرنے کا موقع ملا، لیکن لیڈ ہیرو رندھیر کپور، ہیروئن پونم ڈھللو اور ڈبل رول میں سنجیو کمار کے ہوتے ہوئے یوگتا بالی پر کسی کا دھیان نہیں گیا۔ ‘لیلیٰ’ (1984) میں یوگتا بالی سنیل دت کی بیوی اور انل کپور کی ماں کے رول میں نظر آئیں۔ تاہم 1979میں متھن چکرورتی سے شادی کے بعد یوگتا بالی نے فلموں میں کام کرنا کم کر دیا تھا۔ یوگتا بالی نے1989 میں فلم ‘آخری بدلہ’ میں متھن چکرورتی کے ساتھ کام کیا، اس کے بعد انہوں نے کوئی فلم نہیں کی۔
یوگتا بالی نے 1976میں بالی وڈ کے مقبول گلوکار اور اداکار رہے کشور کمار سے شادی کی اور ان کی تیسری بیوی بنیں۔ لیکن، ان کی شادی 1978میں ٹوٹ گئی۔ کشور کمار نے یوگتا کو اپنی سالگرہ (4 اگست) کے موقع پر طلاق دیا تھا۔ کشور کمار سے طلاق لینے کے ایک سال بعد 1979میں انہوں نے بالی وڈ ایکٹر متھن چکرورتی سے شادی کی اور اس کی دوسری بیوی بنی۔ متھن چکرورتی تب تک اپنی پہلی بیوی سے طلاق دے کر الگ ہو چکے تھے۔