سابق کک باکسنگ عالمی چیمپئن کورونا سے ہلاک

لیگے، بیلجئیم ،دسمبر۔کک باکسنگ کے سابق عالمی چیمپئن فریڈ سینسٹرا کورونا سے ہلاک ہو گئے۔ میڈیا رپورٹ کے مطابق فریڈ سینسٹرا نے کورونا کو معمولی وائرس قرار دے کر خود کو ہسپتال سے ڈسچارج کروالیا تھا، 41 سالہ فریڈ سینسٹرا گھر میں ہی اپنا علاج کروارہے تھے۔ ہسپتال سے فارغ ہونے کے بعد، ہیوی ویٹ چمپئن گھر میں بھی آکسیجن لیتے رہے۔ جہاں ان کو مزید مشکلات کا سامنا کرنا پڑا، رپورٹ کے مطابق وہ اسپتال بھی اپنے کوچ کے مجبور کرنے پر داخل ہوئے تھے۔فریڈ سینسٹرا تین مرتبہ کک باکسنگ کے عالمی ٹائیٹل جیت چکے تھے۔ہیوی ویٹ چیمپئن کی موت کی اطلاع ان کی بیگم نے سوشل میڈیا کے ذریعے کی۔