نائیجیریا: نامعلوم مسلح افراد کے حملہ میں 13 افراد ہلاک

ابوجا،11 اگست (ژنہوا) نائیجیریا کی شمال وسطی ریاست بینیو میں نامعلوم افراد کی فائرنگ میں کم از کم 13 افراد ہلاک ہوگئے۔ منگل کو مقامی پولیس نے یہ اطلاع دی۔
اس حملے کی تصدیق کرتے ہوئے ریاستی پولیس کی ترجمان کیترین انینے نے بتایا کہ نامعلوم حملہ آور پیر کے روز ضلع ایڈیکوی کے مقامی علاقے میں داخل ہوئے اور مقامی لوگوں پراندھا دھند فائرنگ شروع کردی ، جس سے متعدد افراد ہلاک ہوگئے۔
انہوں نے کہا’’اس واقعے کے بعد پولیس ٹیم جائے وقوع پر تعینات کر کے لاشیں وہاں سے برآمد کرلی گئی ہیں۔‘‘انہوں نے کہا کہ حملہ کرنے کی وجہ کا پتہ نہیں چل سکا ہے اور پولیس نے اس سلسلے میں تفتیش شروع کردی ہے۔
مقامی ذرائع نے بتایا کہ نامعلوم حملہ آور نے متعدد مکانات کو بھی آگ لگا دی ، جس کے بعد سے متعدد افراد لاپتہ بتائے جارہے ہیں۔