وزیر اعظم نریندر مودی آج سے فلپائن کے دورے پر

آسیان-بھارت سربراہ اجلاس میں شرکت کریں گے

نئی دہلی، وزیر اعظم نریندر مودی کا فلپائن کا دورہ آج سے شروع ہو رہا ہے۔ وہ صدر فرڈینینڈ آر مارکوس جونیئر کی دعوت پر 16 سے 17 نومبر تک فلپائن کا دورہ کریں گے۔ اس دوران وزیر اعظم 17 نومبر کو 23 ویں آسیان-بھارت سربراہ اجلاس اور 21 ویںمشرقی ایشیا چوٹی کانفرنس (ای اے ایس) میں شرکت کریں گے۔ یہ معلومات ایک سرکاری پریس ریلیز میں دی گئی۔
ریلیز کے مطابق، ہندوستان-آسیان تعلقات ملک کی ایکٹ ایسٹ پالیسی اور ہند-بحرالکاہل خطے کے لیے ہندوستانی وژن کے کلیدی ستون ہیں۔ یہ دورہ ایک ایسے وقت میں ہو رہا ہے جب ہندوستان اور آسیان سال 2026 کو آسیان-ہندوستان سمندری تعاون کے سال کے طور پر منا رہے ہیں۔ سال 2027 میں ہندوستان اور آسیان کے درمیان مکالمے کے تعلقات کے 35 سال اور جامع اسٹریٹجک شراکت داری کے پانچ سال پورے ہوں گے۔
آسیان-بھارت سربراہ اجلاس جامع اسٹریٹجک شراکت داری کے نفاذ کی پیش رفت کا جائزہ لے گا۔ اس میں آسیان-انڈیا ایکشن پلان 30-2026 بھی شامل ہے۔ ساتھ ہی تعاون کی مستقبل کی سمت کا تعین کیا جائے گا۔ مشرقی ایشیا سربراہ اجلاس آسیان اور دیگر شریک ممالک کے ساتھ علاقائی اور عالمی اہمیت کے امور پر خیالات کے تبادلے کا موقع فراہم کرے گا۔

Related Articles